Whatsapp Share
reubird-logo

登入 註冊

聯絡我們 關於我們
×
 Hong Kong hk 香港 玩樂雜誌 【拍拖去邊好】6個屬於香港情侶嘅拍拖好去處推介

【拍拖去邊好】6個屬於香港情侶嘅拍拖好去處推介

仲煩惱緊同另一半約會拍拖去邊度好?今日ReUbird就為你介紹一系列情侶拍拖活動好去處,等你可以同 你嘅honey度過一個又sweet又充實嘅約會!

#拍拖好去處

by Kayan

📷Travel |🐾Photography


出街玩想要新靈感?
全港18區好玩好食好去處推介,盡在ReUbird!

香港地寸土是金,情侶平時拍拖除咗行街睇戲吃飯就好難諗到新奇有趣嘅節目。仲煩惱緊同另一半約會拍拖去邊度好?今日ReUbird就為你介紹一系列情侶拍拖活動好去處,有室內有室外,假日平日都去得,等你可以同你嘅honey度過一個又sweet又充實嘅約會!

1.迪欣湖野餐踩單車/船

想遠離市區的煩囂,呢個位於迪士尼主題樂園隔離嘅人造湖,絕對係一個情侶拍拖好去處。


圖片來源:香港人遊香港


沿著湖邊行,唔單可以呼吸新鮮空氣,仲可以欣賞周圍美麗的風景,非常適合情侶週末拍拖~

情侶們可以自備野食同野餐布拍拖,一邊播住愜意嘅音樂,一邊與另一半草地上野餐,度過一個美好的上午。


圖片來源:香港人遊香港


迪欣湖仲設有腳踏船和腳踏遊覽車服務,食完野,仲可以租借呢D設施,與伴侶沿湖畔飽覽迪欣湖恬靜優美的湖面風光,呢個無疑係一個適合情侶的假日好去處喔。



詳情:

開放時間:9:00 - 19:00

門票:免費

前往方式:可乘搭專營巴士前往,或從迪士尼站步行約15分鐘便可到達。


2. 齊齊參加工作坊DIY

想搵D野黎玩嘅同時又想製造二人回憶?不妨考慮下去 join 手作工作坊啦!宜家市面上有唔同主題嘅DIY工作坊揀,情侶們絕對可以揀黎做拍拖活動架!


熱戀中的情侶可以試下手作戒指工作坊,上完堂之後仲可以將製成品戴住係手上,返工又或是與另一半分開時,見呢個充滿愛的戒指到都會會心一笑啦~



想增加屋企擺設嘅情侶,都可以試下參加乾花盆栽自製班,唔單可以為屋企增添一份色彩,仲可以將與另一半的愛永遠存在乾花入面。

想知多D?宜家經過ReUbird預訂仲可以享有優惠添!


3. 浪漫2人party room - 享受二人世界好去處

拍拖,往往需要可以二人世界嘅地方。想靜靜地享有二人空間,但平時雙方屋企都有屋企人係度嘅情侶,可以考慮下去2人party room拍拖呢個情侶好去處啦!


唔同 Party room 有曬唔同主題,無論你鍾意浪漫溫馨,定係復古懷舊小房間,都可以book黎hea下,拍下拖~


舒適嘅梳發配上柔和的燈光,絕對可以比到情侶們足夠嘅私人空間,係一個唔錯嘅拍拖好去處

2人Party room入面仲提供埋唱K設備、各類Board games,等你可以同你的另一半hea一個下晝。


宜家ReUbird提供多間 2人Party room預訂服務,有唔同主題任你揀。


4.主題公園 - 穿梭到童年

有多D預算嘅couples仲可以考慮埋去主題樂園。

圖片來源:Skyscanner


充滿童話色彩嘅迪士尼絕對係一個浪漫的拍拖聖地,兩人唔單可以坐旋轉木馬,仲可以係城堡前面同唔同嘅卡通人物影相留戀,乜野童年回憶都出曬黎,so sweet~ 另外可以睇睇呢個 Youtuber 個 Vlog喔:香港迪士尼【常勇21歲生日之旅 PART1】~ 




海洋公園就多D機動遊戲,適合比較活躍嘅情侶們。Couples可以挑戰曬各類型嘅過山車,同埋跳樓機,夠曬刺激!值得一提嘅係,一年一度嘅下水禮又即將來臨(7月13日至9月1日),大家可以帶埋另一半去玩水迎接盛夏!




5. 整蛋糕 - 盡顯賢妻好時機

鍾意整野食嘅情侶,都可以試下報蛋糕製作班呀!


圖片來源:HOME培小日子


呢間位於荔枝角同埋荃灣嘅Home.焙小日子,提供咗唔同種類嘅蛋糕比大家整。一入到去,揀完想整嘅蛋糕,就可以開始睇住ipad教學ppt同video DIY啦~


圖片來源:HOME培小日子

整完野食之後,仲可以一齊品嚐蛋糕!
呢個活動唔單考驗情侶們的默契,仲考驗埋大家嘅整野食天份呀! 無論係手工定係週末,都係一個拍拖好去處呀~ 另外仲有 bake it easy 自助烘焙 蛋糕店 畀你自助整蛋糕!



6. 離島一日遊 - 長洲

唔想停留係市區嘅情侶,長洲絕對係一個拍拖好去處!


到咗長洲,可以租單車環島遊,踩攰咗都可以落街行下,食下特色大魚蛋同埋芒果糯米糍~


圖片來源:Ulifestyle


食完野,同另一半沿著沙灘散步,仲可以買個同心鎖返黎寫,將呢份愛鎖住,掛係長洲嘅牆上,約定幾年後再返黎睇,幾浪漫~

又或者可以同另一半行山,探索下神秘嘅張保仔洞,踏上探險之路!另外仲可以睇睇呢位 Youtuber 點樣plan個行程喔~


前往方式:乘車到中環5號碼頭搭船便可


封面來源:NearSnake

拍拖心願清單 + 靈感搜尋器

記低你地想一同達成嘅心願,需要靈感仲可以用我地嘅靈感製造機,自動推介吃喝玩樂去處同優惠,行山路線,最新電影等等並推薦給你

ReUbird 社交工具已經有 3000+ 用戶使用,快啲黎試下啦!

關鍵詞:
香港 【拍拖去邊好】6個屬於香港情侶嘅拍拖好去處推介  香港   香港   香港