廣州長隆度假區可以話係家庭親子旅行嘅天堂，而度假區入面有三間主打唔同風格嘅酒店，
分別係長隆酒店、長隆熊貓酒店同埋長隆香江酒店。
呢三間酒店各有特色，無論你係想住豪啲享受型、親子主題卡通型，定係性價比高啲嘅實用型，都可以搵到啱自己心水嗰間。
以下 ReUbird 小編就幫你搵咗每間酒店嘅環境、房間、餐飲、娛樂設施嘅唔同特色，逐間介紹畀你知。
廣州長隆酒店推介
「Klook 我要放飛」夏日玩樂優惠大放送全線長隆酒店滿HK$1,000，輸入優惠碼「CHIMELONG150」即減$150！ |
1. 廣州長隆酒店推介｜廣州長隆酒店
廣州長隆酒店係長隆度假區入面比較經典、亦都係好有代表性嘅一間酒店。
酒店本身嘅地理位置鄰近野生動物世界，佢嘅後花園（動物島）亦有飼養火烈鳥、黑天鵝同白虎，令人感覺好似置身喺熱帶森林中。
酒店嘅裝修主要圍繞大自然主題，用咗好多木系設計元素，配合仿真動物雕像同植物造景。
1.1 廣州長隆酒店｜房型及主題
酒店有唔同房型可以揀，主要特色如下：
-
探趣親子房 呢個房型以親子為主題，房內有森林探險風格裝飾，亦設有小朋友專用床同玩樂空間，幾適合一家大細入住。
-
野趣房 如果係伴侶兩人旅行，可以考慮「野趣房」呢類房型。房間設計都係大自然風格，落地玻璃窗望向動物島，有機會見到白虎喺外面經過，呢個係佢嘅特色之一。
-
白虎房 / 湖景套房 如果想提升住宿體驗，酒店亦有提供「白虎房」或湖景套房，空間會更寬敞，設施亦相對齊全。
廣州長隆酒店｜探趣親子房
廣州長隆酒店｜野趣房
1.2 廣州長隆酒店｜餐廳美食
廣州長隆酒店｜白虎自助餐廳
食嘢方面，廣州長隆酒店最出名嘅係「白虎自助餐廳」。
-
白虎自助餐廳 呢間餐廳除咗食物選擇多，最大嘅賣點係食客可以一邊食自助餐，一邊透過大玻璃望到白虎。食物方面，提供中餐、西餐、刺身、甜品、燒烤同粥粉麵飯等，味道都唔錯。
-
麒麟中餐廳 如果鍾意食中菜，酒店內亦有「麒麟中餐廳」，主要提供粵菜同點心。
-
香江風味小鎮 如果想食得輕便啲，範圍內有個「香江風味小鎮」，似美食廣場嘅形式，有小食、糖水、炒米粉等，行過肚餓都可以喺度醫肚。
廣州長隆酒店｜麒麟中餐廳
廣州長隆酒店｜香江風味小鎮
1.3 長隆酒店｜娛樂設施
酒店內嘅娛樂設施都算齊備。
-
親子設施： 設有親子樂園，裏面有波波池、滑梯、小型遊戲設施等，畀小朋友玩。
-
成人設施： 成人方面有健身房、按摩Spa、保齡球場，同埋室內、外泳池，基本上留喺酒店全日都唔會悶。
想住得舒適，又想感受動物主題嘅住宿體驗，廣州長隆酒店係一個唔錯嘅選擇。
-
適合家庭旅客： 呢間酒店特別適合帶住一家大細嘅家庭，因為佢有親子房、動物景觀、大型泳池同埋主題自助餐廳。
-
適合追求住宿體驗嘅情侶： 如果係情侶想嚟長隆度假，想搵個舒服啲嘅環境，住廣州長隆酒店嘅高級套房都幾合適，望住湖景或者白虎園景食早餐，感覺會幾寫意。
廣州長隆酒店推介 - 廣州長隆酒店｜詳情
2. 廣州長隆酒店推介｜廣州長隆熊貓酒店
至於長隆熊貓酒店就係另一種風格，主打就係卡通童趣同親子主題。
成間酒店外觀就好似童話屋咁，色彩繽紛，內部全部以三隻卡通熊貓角色「萌萌、帥帥、酷酷」作為主題設計。
一入大堂你就會見到成堆卡通擺設，小朋友一見到已經玩到唔捨得走。
長隆熊貓酒店離動物世界同歡樂世界都好近，仲有天橋連接住，唔洗搭車都去到晒。
講返房間方面，長隆熊貓酒店所有房間都係卡通主題房。
2.1 廣州長隆熊貓酒店｜房型及主題
廣州長隆熊貓酒店｜公主家庭房
「公主家庭房」以童話世界為藍本，粉紅粉紫色做主調，有閃燈，感覺好夢幻。
廣州長隆熊貓酒店｜酷酷戰士房 / 帥帥騎士房
男仔可能會鍾意「酷酷戰士房」或者「帥帥騎士房」，房內有仿戰士裝甲擺設，感覺有少少英雄風格。
廣州長隆熊貓酒店｜萌萌主題房
而最受歡迎嘅就係「萌萌主題房」，成間房都畫滿咗熊貓公仔圖案，枕頭被鋪都係卡通，連牙刷杯都印咗公仔，非常貼心。
呢啲房間全部都係以家庭為主，照顧晒細路嘅需要。
2.2 廣州長隆熊貓酒店｜餐廳美食
廣州長隆熊貓酒店｜萌萌餐廳
餐飲方面，長隆熊貓酒店內部亦有自助餐廳，同樣提供中西美食，而最大特色就係成間餐廳都好似置身卡通世界咁，
連餐廳個名都係叫「萌萌餐廳」，佈置得好卡哇伊，好多家庭都專登嚟食同打卡。
食物方面唔算話好豪華，但質素穩定，選擇都算豐富，尤其係啲甜品區好吸引，小朋友啱晒。
2.3 廣州長隆熊貓酒店｜娛樂設施
酒店設施方面，長隆熊貓酒店都有啲簡單遊戲區，小朋友可以喺度畫畫、砌積木、睇卡通片，
仲有一啲主題互動活動會唔定期舉行，增加親子互動。
冇咁豪華但勝在夠貼心，係一家大細嚟長隆玩嘅熱門之選。
長隆熊貓酒店方面就好明顯係為細路仔設計，好啱一啲鍾意卡通、公主夢、熊貓角色嘅小朋友。
成間酒店都圍繞住親子互動而設，啱晒啲想同小朋友一齊沉浸式體驗假期嘅家庭。
尤其係如果你個小朋友係幼稚園至小學年齡，對呢啲主題房會特別鍾意，仲有卡通人物同你影相，
成日都玩唔停，變成佢哋一生難忘嘅回憶。
就算大人唔係咁鍾意卡通，只要你想畀個開心童話假期你啲小朋友，長隆熊貓酒店一定係首選。
廣州長隆酒店推介 - 廣州長隆熊貓酒店｜詳情
3. 廣州長隆酒店推介｜廣州長隆香江酒店
廣州長隆香江酒店係長隆度假區入面，定位比較平實同實惠嘅選擇，主打高性價比。
同其他主題酒店唔同，佢嘅外觀同裝修都比較簡潔實用，冇咁多花巧裝飾，目標客群係預算有限嘅旅客。
3.1 廣州長隆香江酒店｜房型及主題
房型方面，主要提供雙人房或三人房，都係行簡潔路線，但勝在乾淨企理，設施齊全，空間感都唔錯。酒店同樣有設置親子房，方便帶小朋友嘅家庭入住。
3.2 廣州長隆香江酒店｜餐廳美食
食嘢方面，長隆香江酒店主打地道風味，選擇都好多。如果你想食傳統中菜，可以去「香江中餐廳」，嗰度裝修好有嶺南建築特色，主打精緻粵菜同點心。
最重要係，佢哋保留咗好多「老街坊」都惦記嘅番禺本土農家風味同香江酒家嘅傳統經典菜式，餐廳仲新設咗個「滷水明檔」，全日供應正宗潮式滷水。
至於想食得隨意啲或者中西合璧，「興隆茶餐廳」就最啱，佢以「羊城八景」做主題，好有廣州本地風情。
餐廳融合中西美食，由特色海鮮、地道粵菜、西式扒類到精緻甜品都有，加上有開放式廚房同舒適戶外座位，畀你足不出戶就享受到唔同美食。
3.3 廣州長隆香江酒店｜娛樂設施
設施方面相對其他酒店簡單少少，冇咩特別玩樂設施，但有一個兒童駕駛學校比較特別。
交通方面，雖然酒店距離野生動物世界等景點略為遠少少，但酒店有提供免費穿梭巴士服務，接送住客往返度假區內各大主題公園，唔想行路都唔成問題。
總括嚟講，香江酒店勝在價錢親民，房間乾淨，係平玩長隆嘅好選擇。
廣州長隆酒店推介 - 廣州長隆香江酒店｜詳情
4. 廣州長隆酒店推介｜3間酒店點揀好？
廣州長隆酒店｜價錢、特色及設施比較一覽
| 項目 | 廣州長隆酒店 | 廣州長隆熊貓酒店 | 廣州長隆香江酒店 |
| 價錢定位 | 偏高 (約 $$) | 偏高 (約 $$) | 最實惠 (約 $) |
| 酒店特色 | 經典豪華，自然生態主題 後花園直接睇到白虎、火烈鳥，感覺似住喺森林入面。 | 卡通童趣，親子主題 以熊貓三胞胎為主角，成間酒店好似童話世界，色彩繽紛。 | 簡潔實用，性價比高 裝修平實，主打乾淨企理同價錢親民。 |
| 主要設施 | - 白虎自助餐廳 (可睇住白虎食飯) - 大型室內外泳池 - 水療Spa、健身室 - 保齡球場、親子樂園 | - 萌萌自助餐廳 (卡通主題) - 兒童遊戲區 (畫畫、積木) - 不定期親子互動活動 | - 中式餐廳 - 兒童駕駛學校 - 穿梭巴士 (往返各景點) |
| 最適合 | 對住宿要求高，追求豪華體驗及與動物近距離接觸嘅家庭或情侶。 | 有幼稚園至小學小朋友嘅家庭，特別係鍾意卡通同想步行去樂園嘅旅客。 | 預算有限，唔介意設施簡單啲，追求性價比嘅旅客。 |
| 立即預約 | 按此預訂即享優惠 | 按此預訂即享優惠 | 按此預訂即享優惠 |
總結嚟講，如果你想住得舒舒服服，成個體驗好似住喺動物園入面咁，就一定係揀長隆酒店。
如果你係拖住小朋友嚟玩，想住得開心又有卡通feel，熊貓酒店就最啱你。
而如果你係想搵間平啲又乾淨企理、純粹訓覺方便為主嘅，咁香江酒店就係性價比之選。
三間都各有千秋，視乎你預算同旅遊風格去揀。
廣州又點止長隆樂園值得去玩，仲有好多好去處～