Whatsapp Share Whatsapp Share
×
搵活動夾時間神器 關於我們 到會美食 玩樂雜誌 登入 註冊
×
搵活動夾時間神器 關於我們 到會美食 玩樂雜誌 登入 註冊
×
 Hong Kong hk 香港 玩樂雜誌 【Party 到會指南】預訂 Party 派對到會外賣注意事項
ReUbird 玩樂雜誌   #party-room #到會
【Party 到會指南】預訂 Party 派對到會外賣注意事項

如果想book最適合 Party 嘅到會,你需要知道...


by Jessie

🌙 be crazy, be stupid, be silly, be weird 🌙


預訂 Party 派對到會外賣係開 Party 重要嘅一個環節。不過點樣先揀到一個最適合 Party 到會 Package 呢? ReUbird 提供 2019 到會推介同埋教教你叫訂 Party Food 到會嘅小技巧。


好多人都想book party room去舉辦唔同活動,例如生日派對、家庭聚會、畢業派對等等。亦都有啲人純碎想同一班朋友出黎聚下,玩下癲下。


如果係要搞一個特別啲嘅派對,相信大家都唔會想淨係叫pizza hut 或者kfc呢啲外賣啦,嗰到嘅食物樣式唔會話好多,所以都會考慮叫到會食物,訂購派對小食,尤其係生日到會同埋聖誕到會


更重要嘅係,到會食物相對會好食啲、高質啲同精緻啲。但當你地叫到會嘅時候,會唔會無從下手呢?究竟點樣預訂到會係最好?呢到就有啲注意事項可以幫下你喇,令你叫 Party 外賣 可以得心應手。


1.食物嘅份量


唔知你地有無呢個經驗?叫完外賣會食唔曬或者唔夠食,搞到浪費食物或者唔夠飽同掃興。所以決定好到會食物同派對小食嘅份量真係好重要。


Reubird到會平台入面,就有好多適合唔同人數嘅套餐,少至5人,多至50人。套餐入面嘅Party Food 菜式都會列明係幾多磅或者係幾多件,同時亦可以自由搭配,適合聖誕到會生日到會或者派對到會


咁你地就可以根據人數,叫多啲派對小食,小食易夾而且易啲分配,避免咗係一齊share主食,例如飯或者意粉嘅時候會尷尬。


所以叫到會都可以決定叫多啲唔同類型嘅派對小食,例如糕點、雞異、肉串、洋蔥圈同春卷等等,而主食嘅份量就可以相對少啲,亦可以簡其他易分配嘅食物,例如三文治等等。


2.各人嘅口味


正所謂蘿蔔青菜,各有所愛。每個人嘅品味都唔同,有啲人鍾意食牛肉,有啲人就唔鍾意。所以喺叫到會前,都要問清楚其他人嘅口味,互相遷就。


可能有人係食齋嘅,咁就要選擇幾款素食俾佢地,例如係雜果沙律等等,有啲人想食健康啲嘅,都可以揀啲綠色套餐。搞 Party 要注意嘅事項真係唔少,尤其食方面要盡量遷就所有人嘅喜好。


咁樣嘅話,每個人都可以食到自己想食嘅嘢,就自然食得開心,玩得開心啦。如果係叫生日到會、派對到會、會議到會,場合唔同,考慮嘅因素又會唔同,可以多加了解。


3.價錢


喺叫到會之前,都要睇清楚價錢係咪係你地嘅budget之內,咁每位朋友都叫得開心,又食得開心。


喺Reubird入面訂到會,就可以清楚知道唔同份量、唔同套餐嘅價錢,同時亦要衡量價錢合唔合理,咁樣先唔會食得唔盡興。


順帶一提,經Reubird訂到會係免運費的,真係好抵㗎!


4.送貨服務時間


就算係訂到會,都要拿捏好到會送到partyroom嘅時間。


如果你地係想邊玩邊食,就可以係去到partyroom後半個鐘至一個鐘到送到,喺大家熟悉環境後,就可以放任地食同玩啦。


另一方面,如果你地係想就翻大家平時用餐嘅時間,咁就可以係六點至七點呢啲時間送到,俾大家有個一齊圍住食嘢傾計嘅時間。


但係要留意翻,大部分訂到會係要提早24小時訂㗎,而且唔可以喺確認訂單後減少食物份量或者取消訂單,因為所有食材都已經準備好㗎喇。


5.可送貨地區


其實普遍嘅到會送貨範圍都好廣,可以送到港島區、九龍區同新界區。但係都要留意翻好多到會都唔送禁區、羅湖、沙頭角、迪士尼、機場、海洋公園、離島同埋馬灣等等嘅偏遠地區。另外book到會都要俾清楚地址佢地呀。


6. Party room是否提供美食到會服務


香港有咁多唔同類型嘅partyroom,因應翻嗰間partyroom嘅環境、設施等等嘅因素,並唔係所有partyroom都會提供美食到會服務㗎。


所以喺book partyroom前都要問清楚店主有關事項,你地亦可以去Reubird網站查詢,嗰到詳細列明咗邊啲可以提供到會服務,邊啲唔可以,一覽無遺!


睇完以上嘅注意事項,係咪清晰好多,以後唔使再訂大家樂到會呢?咁就快點整理好頭緒去book Party Room同訂到會啦!如果你係搞生日活動,可以睇埋呢3個慶祝生日嘅方法,同朋友過個開心難忘嘅生日


Book Party Room 傳送門:按此

預訂到會傳送門:按此


如果唔想訂嘅話,你可以考慮下自製 Party 小食!


款色:

  • Salmon Roll 三文魚卷
  • Wasabi Prawn Cucumber 青瓜Wasabi蝦
  • Mozzarella Tomato 水牛芝士番茄
  • Thai Meatballs 泰式牛肉球

其他連結:

【開P攻略】訂派對到會、Book Party Room、夾時間-搞 Party 3 大注意事項

【生日好去處】精選 8 間慶祝生日 Party Room 場地推介

【持續更新】屬於香港人的生日優惠好去處推介

【到會推介】比較全港7間到會供應商,嗌到會冇難度!

【旺角 Party Room】ReUbird 9間旺角 Party 場地推介(持續更新)

【港島區 party room】ReUbird 精選港島Party room推介(持續更新)

【開Party好去處】7間精選葵涌PartyRoom推介(持續更新)


熱門文章




關鍵詞:
香港 【Party 到會指南】預訂 Party 派對到會外賣注意事項  香港   香港   香港