香港有唔少地方好適合影相，今日ReUbird為你介紹幾個香港影相好去處，無論你係文青定係偽文青，總有一個地方啱你去！
1.西環鐘聲泳棚
企係泳棚上面，點影都係靚。不過去呢度影相嘅人都多，但影相點只有一個，所以有時可能要排隊等人影完先可以影架！
提提大家，泳棚好多蚊，記得帶蚊怕水呀！
前往方式：堅尼地城站C出口步行約20分鐘
2.長洲碼頭
長洲除咗有好味嘅大魚蛋同芒果糯米糍食，都係一個影相好地方！日落嘅長洲碼頭特別靚，坐係碼頭隔離嘅長凳度，唔單可以影到後面嘅漁船，影相技術再好D，仲可以影埋日落添！
前往方式：於中環5號碼頭搭船便可到達
3.裕民坊天台樓梯
呢個位於觀塘嘅天台樓梯，係Dear Jane MV入面其中一個場景。入夜之後黎呢度影，唔單可以影到殘舊嘅懷舊天台feel，仲可以影到五光十色嘅街道，超有文青feel。
前往方式：觀塘港鐵站A出口步行約5分鐘
4.東龍島
東龍島上有好多唔同嘅地貌，而呢D大細不一嘅石頭，配上藍色嘅海，隨便一個人企上去都可以影到靚相。如果再著得文青D，張相嘅文青指數都直線上升呀！
提提大家，由於係郊外地區，都比較多蚊，大家去影相果陣都要記得帶蚊怕水呀！同埋東龍島淨係假期先有船，一日都係得幾班船，記得睇清楚尾班船時間呀！
前往方式：於西灣河地鐵站A出口行約5分鐘，到西灣河碼頭再搭船
5.機場維修區
機場維修區有唔少影相位，無論想用海做背景、定用石頭做背景都得！
打卡位1：石頭
坐係石頭上，高炒咁影落，令到成個背景都係石頭。
打卡位2：海
企係石頭上，無論係面向天空定係鏡頭，都可以影得好文青～
打卡位3：機場維修區
坐係黃色牌到，都可以影得好型。
小編係度提提大家，馬路果度成日會有車經過，影相之餘都要注意安全呀！
前往方式：東涌地鐵站出去，搭S52巴士到總站落車，然後沿著馬路折返
6. 海洋公園
充滿童年味道嘅海洋公園都係一個打卡好去處！
打卡位1：動感快車
係有大大個小丑logo嘅動感動感快車前面影，完美地將人像與背景融合埋一齊。
打卡位2：超速旋風
等超速旋風上到最高位，再低炒咁影。不過想提提大家，超速旋風都唔係成日升到最高位，如果想影得靚，就要比D耐心去等啦！
打卡位3：香港老大街
夜晚嘅香港老大街著曬燈，好有上世紀八十年代舊香港feel，都係一個靚靚打卡位～
前往方式：港鐵海洋公園站
需要專業攝影師？
去唔同打卡位影相的確係一種享受，但人生有好多重要嘅時刻需要攝影，呢d時候就最好交翻畀專業攝影師操刀啦！喺 FREEHUNTER ，你可以搵到超過各色各樣嘅專業攝影師，無論係活動攝影、戶外攝影定係婚禮攝影，你一定可以搵到最適合你嘅攝影師，快d去睇下啦！