適逢小朋友放假，家長都要諗究竟帶小朋友去邊到玩好？今次幫大家精選咗6間親子室內好去處，遍佈全港九新界。
想同小朋友探索水母？有！
想變成大富翁？有！
想體驗農場生活擠牛奶？有！
想帶小朋友放晒啲電佢？有！
應有盡有嘅親子室內好去處就等 ReUbird 小編同大家逐一介紹～
精選6間親子室內好去處：
- Sooper Yoo
- The Big Things Playground
- Cube O Discovery Park
- 大富翁夢想世界
- Super Sport Park
- Chill Kids Club
- 香港 「黑暗中對話旅程」展覽
- Paint Bomber - 沉浸式任務遊戲
- nobi nobi夢幻樂園
親子室內好去處｜1. Sooper Yoo
Sooper Yoo係一間擁有多樣化遊戲嘅地方，通過唔同刺激身心嘅遊戲，幫助小朋友全面啓發腦筋同大小肌肉。
呢一個遊戲係Formula Yoo Sooper Loop，可以操控住車輛喺小型賽道上駕駛。
一家大細仲可以一齊比拼下邊個最快到終點，同時間競賽！
(圖片來源：Klook)
Sooper Yoo Scramble Course係一個新奇刺激嘅大型攀爬障礙迷宮，Sooper Yoo入面必玩嘅活動，到處都充滿挑戰。
小朋友要用敏捷、高速度同平衡力去完成呢一個多層障礙迷宮， 呢個迷宮仲融合咗奧運項目去設計㗎～
(圖片來源：Klook)
Digi-Decks將多項智力遊戲數碼化，無論係個人戰，定係團體合作對戰，呢啲小遊戲都可以比小朋友動動腦筋。
(圖片來源：Klook)
呢一個Sooper Slap遊戲係小編覺得最有有趣！要睇準邊格着光再撳落去，眼明手快之餘仲要有準確度，測試大人同小朋友嘅反應能力！
(圖片來源：Klook)
Sooper Yoo｜詳情（按此預訂可享優惠）：
- 地址：香港堅尼地城卑路乍街8號西寶城一樓（港鐵香港大學站C2出口）
- 開放時間：星期一至日10:00-19:00
- 價錢：HKD $304 / 1大1小
親子室內好去處｜2. The Big Things Playground
The Big Things Playground以大自然為主題，芬蘭式室內叢林親子樂園，呢到會有18個令人興奮嘅遊戲區域。
呢一個獨特的樂園小朋友可以同自然親密接觸，探索各種刺激嘅遊樂設施。
(圖片來源：Klook)
小朋友透過同自然親密接觸，探索各種刺激嘅遊戲設施，培養佢哋嘅好奇心同對自然嘅關注～
自然環境中有無窮嘅教育價值，提高佢哋對環境保護同可持續發展嘅意識。
(圖片來源：Klook)
呢個係一個巨大火山坡，小朋友爬到火山口再用自己嘅方式瀡落嚟～
與此同時，家長都可以同小朋友解釋火山嘅形成，提高小朋友嘅求知慾。
當小朋友對自然界產生興趣嘅時候佢哋會開始問問題同搵答案，主動探索同學習。
呢啲好奇心同求知慾唔單止對佢哋嘅認知發展有益，仲可以激發佢哋解決問題能力。
(圖片來源：Klook)
除咗豐富嘅遊戲區域，The Big Things Playground仲會舉辦唔同嘅工作坊同活動，小朋友可以參加手工藝製作～
唔好以為下面係糖果區域，其實佢係一個製作Slime嘅工作坊。
小朋友可以揀自己鍾意嘅配料加入去Slime，整出獨一無二，屬於自己嘅Slime~
(圖片來源：Klook)
The Big Things Playground｜詳情（按此預訂可享優惠）：
- 地址：荃灣白田壩街45號南豐紗廠, 2樓205-207
- 開放時間：星期一至日10:00-18:30
- 價錢：HKD $158起 / 1大1小
親子室內好去處｜3. Cube O Discovery Park
香港浩海立方探游館由18個主題區所組成嘅海洋探索體驗館位於荃灣楊屋道。
亦都係全港首個結合投影效果同視覺藝術嘅水母水族館，顛覆對傳統水族館嘅印象。
包括光影海洋觀景窗、夢幻水母萬花筒、VR海洋探秘之旅、 水母實驗室、海洋兒童樂園等等。
(圖片來源：Klook)
呢個係水母實驗室，實驗室會同大家展示水母嘅生長周期同水母嘅食物，可以親身睇到水母繁殖。
除此之外，可能會欣賞到水母餵食表演，從中了解生物及環保知識，以及可持續生活模式。
(圖片來源：Klook)
呢到會有啲稀有品種，例如南美刺水母、幽靈水母、紫紋刺水母等等。
大家帶同小朋友嚟到都可以一齊欣賞水母施展輕柔曼妙嘅泳姿，更可從中了解生物同環保知識，以及可持續生活模式。
(圖片來源：Klook)
除咗欣賞水母，呢到仲有以海底世界為設計概念嘅海洋樂園， 你小朋友放完電先再走～
(圖片來源：Klook)
Cube O Discovery Park｜詳情（按此預訂可享優惠）：
- 地址：荃灣楊屋道 88 號 Plaza 88 - 8樓
- 開放時間：星期一至日10:30-18:00
- 價錢：HKD $138起 / 2小時
親子室內好去處｜4. 大富翁夢想世界
家傳戶曉嘅大富翁相信冇人未聽過，流行數十年嘅紙牌遊戲竟然搖身一變，變成一個真人版大富翁。
大富翁夢想世界會將大富翁先生嘅豪宅同城市開放比大家參觀～
經典元素銀行、水務局、電燈公司、火車站、地契、機會卡等等，全部配合現代科技，立體呈現喺大家面前！
(圖片來源：Klook)
作為全球首間大富翁主題館，電子銀行一定會俾到大家代入感，大富翁鈔票滿天飛，抓到嘅都可以帶返屋企～
(圖片來源：Klook)
大富翁先生今年已經89歲喇，而呢個監獄都伴隨着我哋渡過幾十年嘅時光。
快啲逃離監獄，投擲骰子，買地建屋，憑策略成為唯一終極大富翁。
(圖片來源：Klook)
呢到有得參觀大富翁先生超級跑車，被Guinness世界紀錄認證嘅豪車，大家嚟到可以按下發動鍵，感受引擎轟鳴！
(圖片來源：Klook)
大富翁先生金庫金光閃閃，竟然會有神秘人物，趁機潛伏大宅入面對鑽石權杖虎視眈眈！
(圖片來源：Klook)
大富翁夢想世界｜詳情（按此預訂可享優惠）：
- 地址：香港山頂道118號山頂廣場3樓301號舖
- 開放時間：星期一至日：10:00-20:00 (最後入場為19:00)
- 價錢：HKD $120起
親子室內好去處｜5. Super Sports Park
Super Sports Park有超過20款唔同嘅運動設施等你哋去挑戰，
從空中滑索嘅驚險刺激，到彈床樂園嘅歡樂，俾你同你嘅小朋友盡情揮灑熱血與汗水。
場內設有面向海嘅Cafe，邊食邊享受海景， 簡直係雙重享受！
(圖片來源：Klook)
最高有八米高嘅攀石牆，設計咗唔同大小嘅扶手，難道慢慢增加，總共會有四條攀石賽道。
(圖片來源：Klook)
每個籃筐都有專屬嘅分數，過嚟考吓自己嘅準成度先～
除咗有籃球玩，仲有保齡球、足球，全部都係根據流行運動新風潮去設計而成。
(圖片來源：Klook)
呢到有唔同嘅障礙物例如欄杆、槓台、斜台 等等，提供俾想玩滑板嘅小朋友去嘗試~
每個障礙物都有佢嘅難道等級，當然呢到都會有專業教練教你簡單技巧！
(圖片來源：Klook)
Super Sport Park｜詳情（按此預訂可享優惠）：
- 地址：大角咀海輝道18號銀海坊 G03&05
- 開放時間：星期一至日10:00至21:00
- 價錢：HKD $120起
親子室內好去處｜6. Chill Kids Club
遊樂場分為「放電專區」同「幼兒專區」2個主要遊戲區域，一共設有18個主題遊樂設施，適合0至12歲嘅小朋友。
唔同嘅設施可以激發小朋友想像力同創造力，訓練嬰幼兒感官同4肢，Chill Kids Club係一個安全安心嘅活動空間。
(圖片來源：Klook)
喺呢個場景一面，可以角色扮演玩親子農場，透過角色扮演體驗農場工作。
喺到可以玩擠牛奶、照顧動物，玩各種農場工作～
(圖片來源：Klook)
波波池入面竟然有個充氣彈床，場地有32,000尺每樣設施都超級巨型～
(圖片來源：Klook)
呢個大型空間結合咗滑梯同波波池，設施玩晒都有排先玩得完！
(圖片來源：Klook)
Chill Kids Club｜詳情（按此預訂可享優惠）：
- 地址：香港國際機場航天城東路6號 K11 ATELIER 11 SKIES 二座6樓
- 開放時間：星期一至日9:30-18:30
- 價錢：HKD $48起
親子室內好去處｜7. 香港 「黑暗中對話旅程」展覽
「黑暗中對話旅程」將會俾你哋感受失去咗視覺嘅生活，體驗失明人士係漆黑一片嘅環境入面究竟感受係點。
呢一個親子活動絕對係一個超級有意義嘅活動，「世界上最靚嘅事物，睇唔到摸唔到，必須用心感受」– 海倫．凱勒
(圖片來源：Klook)
喺呢個活動入面，大家會用另一個角度睇世界，當中會有視障導賞員帶你探索呢一個「未見」世界。
你哋亦都會拎住拐杖，係全黑環境下完成一連串體驗同任務，模擬生活環境。
(圖片來源：Klook)
進一步了解視障人士世界，明白到佢哋平日會遇嘅各種困難同挑戰。
呢一個極具教育意義嘅活動，相信無論係大人定係小朋友都會有好深刻嘅感受同埋得益。
(圖片來源：Klook)
香港 「黑暗中對話旅程」展覽｜詳情（按此預訂可享優惠）：
- 地址：九龍長沙灣長義街9號D2 Place一期 7樓B室
- 開放時間：
- 價錢：HKD $135起
親子室內好去處｜8. Paint Bomber - 沉浸式任務遊戲
Paintbomber適合同朋友家人一齊玩，每次會由2至8人組成團隊，著上防護服，然後進行5個階段嘅高科技虛擬遊戲。
目標係每個階段盡量賺取時間，然後係最後一個階段拆除炸彈，唔係就會受到漆彈嘅懲罰！
(圖片來源：Klook)
其中一個高科技虛擬遊戲係雷射逃生， 會係考驗你哋嘅敏捷性、協調性同解決問題嘅能力。
身處一個煙霧離漫嘅封閉空間面對着雷射光束，而每個關卡嘅激光會因隨難度而轉變，甚至會移動！
(圖片來源：Klook)
如果拆除唔到所有炸彈，就會比前面嘅顏料筒噴射㗎喇～！
(圖片來源：Klook)
Paint Bomber｜詳情（按此預訂可享優惠）：
親子室內好去處｜9. nobi nobi夢幻樂園
nobi nobi夢幻樂園總面積接近30,000呎，係一間安全、舒適嘅日式室內遊樂場。
主要分為3大區域，Space Station星幻地帶、夢幻樂園電子遊戲區同茶皇殿海鮮酒家。
(圖片來源：Klook)
充滿歡樂互動嘅香港室內遊樂場，實現同創造一個美好回憶嘅空間～
(圖片來源：Klook)
油塘分店獨有嘅隨意門體驗館主要分五個單元，有海底世界、池塘美景、動物花花世界、桃花幻影世界同宇宙大世界。
5個場景各有特色， 呢度可以用手觸碰畫面，入面嘅景象會因為手嘅動作去郁動或者溜走。
(圖片來源：Klook)
nobi nobi夢幻樂園｜詳情（按此預訂可享優惠）：
- 地址：油塘高超道38號大本型3樓301 & 305 號舖
- 開放時間：
- 星期一至五 10:30-21:30
- 星期六日及公眾假期 10:00-21:30
- 價錢：HKD $35起
睇到呢到係咪對於週末點樣部署有頭緒呢？如果想睇吓有啲咩Playhouse好玩又抵玩，即刻去以下網址睇睇!