Whatsapp Share Whatsapp Share
×
搵活動 夾時間神器 關於我們 到會美食 玩樂雜誌 登入 註冊
×
搵活動 夾時間神器 關於我們 到會美食 玩樂雜誌 登入 註冊
×
 Hong Kong hk 香港 玩樂雜誌 4個每個女孩子要睇嘅Netflix Show
ReUbird 玩樂雜誌  
4個每個女孩子要睇嘅Netflix Show

Netflix 女強人


by Jessie

🌙 be crazy, be stupid, be silly, be weird 🌙



平時係TVB睇好多劇都好少以單女性為主角,但反而外國劇就有好多就圍繞著女主角身邊的事發展而男姓只係配角。所以外國劇其實帶到個信息係:無男主角都能寫到一個故事。今次講嘅係 Netflix 睇到嘅劇,女士們都可以從女主角中學佢地某d特質,讓你訓練成一個愈嚟愈強既人。



1. Riverdale 

一開頭睇 Riverdale 以為同一般high school嘅美劇無咩分別,而且睇張Poster 以為成套都會圍住男主角 Archie 嚟講,但係睇睇下發現原來其中一位女主角 Veronica Lodge 先係最勁,成套劇都突顯佢嘅領導才能一面。Veronica 係一個有主見好有自己性格嘅人,唔會受規則、外來環境或者其他人甚至屋企人而影響佢認為啱同應該做嘅事。



如果你有追開 Riverdale,你就知道 女主角 Veronica 係一個好堅強好獨立嘅人,第一季,佢轉校到新嘅學校已經受到男生嘅侮辱,但佢無喊,反而好嬲咁諗點樣可以將依個行為令全校都留意。去到第3季,Vernoica 男朋友 Archie Andrews 係監獄個時係Veronica 諗成個計劃去救 Archie出嚟(如果無 Veronica我諗 Archie一早就死咗)。 之後 Archie 離開 Veronica 同埋無有錢屋企人支持佢之下,佢識得經營自己嘅生意,而且愈做愈大,等等行為Veronica 話比我地知其實女仔做有主見有自己能力係應該show出嚟,唔需要隨波逐流亦可以無視女性被社會塑造嘅柔弱形像。



2. Gilmore Girls

我睇咗 Gilmore Girls 兩次,主要係講一對母女係一個小鎮嘅生活,我覺得呢一套好特別好鐘意睇因為佢地母女啲互動行為同講野都好搞笑,佢地關係唔似一對母女,反而似最好朋友。因為佢地會同對方分享所有事,感覺有啲似我媽咪同我,所以特別鐘意依套劇。

媽咪 Lorelai Gilmore 一係出生係一個上等人家嘅屋企,屋企對佢寄望好大,但係佢一直都唔鐘意受到屋企人嘅束縛,同屋企人關係一直都唔係咁好,而且好反叛。佢係16歲就生咗 Rory Gilmore (第二位女主角)。雖然 Rory 爸爸有叫 Lorelai 嫁比佢,但係Lorelai知道佢倆個根本就唔適合,所以無答應佢,堅持住單身咁養大 Rory。



係劇中會留意到 Lorelai 係一個好堅強嘅人,或者可以話佢係固執,因為佢唔鐘意自己屋企,所以無論有咩困難佢都唔會搵屋企人幫忙。但係因為咁,所以佢所有事都係自己親手做,亦都知道用咩方法係最好。



3. Chilling Adventures of Sabrina

Chilling Adventures of Sabrina 係 Netflix 新嘅原創劇,原本係一套好舊嘅漫畫而拍成嘅劇集。故事情節有啲似哈利波特,主角Sabrina 係一個半個人亦係半個巫女,係佢地巫女世界中係個特別例子。故事開始講到 Sabrina 16歲就要放棄人類嘅生活,要去終身奉獻佢一生及聽從巫師界嘅大王。當然 Sabrina就唔鍾意,唔認為一定要聽從大王,所以佢沒有接受洗禮,諗方法去挑戰大王,佢繼續同人類做朋友,同時可以係巫師界學校上堂。



依套劇可以見到Sabrina喺16歲嘅時候已經有自己嘅思想,會懷疑其他事件嘅可能性,所以佢亦都因為自己嘅所堅持嘅信念而去挑戰佢認為係錯嘅方法。



4. Dynasty

呢一套劇有少少似啲八婆劇,佢係講一個上等家庭,屋企人所發生嘅事。例如有後母、爭家產、繼承公司等等。女主角 Fallon Carrington 係一個非常獨立而有主見嘅女人,佢一直都想繼承佢爸爸嘅生意,但係一直都俾人睇低,因為佢因為人哋認為佢只係一個有錢人嘅千金。但係佢冇放棄,一直展出佢一個好有頭腦同埋做事好果斷嘅人。

當知道佢爸爸寧願比間公司個後母繼承之後,Fallon 發現佢先至係佢自己最大嘅資產,所以佢唔會唔再等佢爸爸比盤生意佢,佢自己開自己嘅公司由零開始。雖然佢爸爸一直認為佢唔夠好,打理唔到咁大盤生意,但係佢無視爸爸對佢嘅評價,自己創造自己嘅一番事業。



係屋企睇電視睇得太多?都係約成班朋友玩正d,去 Reubird 睇下有咩啱你玩~ 

咩係 Reubird?
Reubird 是一個屬於香港人的本地娛樂活動預約平台,致力提供全港玩樂活動預約服務及折扣優惠。平台推出半年,Reubird提供各類型娛樂活動的預訂及查詢,當中包括Party Room (超過180間)BBQ場地泡泡足球激光劍對決鐳射槍露營車遊艇派對手作工作坊等等。在未來一年,Reubird會繼續發掘身邊的美食和新奇有趣的活動,讓你可以與重要的人共度精彩難忘時光!

平台推出咗半年,有超過50款娛樂活動預訂及查詢,未來一年會繼續為大家搜羅其他娛樂活動優惠!
快d去我哋網站睇下啦 :reubird.hk
Follow 我哋 IG:@reubird

訂到會



熱門文章




關鍵詞:
香港 4個每個女孩子要睇嘅Netflix Show  香港   香港   香港