Whatsapp Share
拍拖心願清單
reubird-logo

登入 註冊

聯絡我們 關於我們
reubird-logo

登入 註冊

聯絡我們 關於我們
×
 Hong Kong hk 香港 玩樂雜誌 【尖沙咀美食】精選12間尖沙咀餐廳 | 多國特色餐廳盡在尖沙咀
ReUbird 活動雜誌   #美食 #18區美食
【尖沙咀美食】精選12間尖沙咀餐廳 | 多國特色餐廳盡在尖沙咀

一齊來睇下尖沙咀美食推介啦!


by Kayan

📷Travel |🐾Photography


出街玩想要新靈感?
全港18區好玩好食好去處推介,盡在ReUbird!

尖沙咀有咩食?遊客區、商業區以及購物區集於一身嘅尖沙咀,係美食方面可謂臥虎藏龍,尖沙咀有好多美食任君選擇。無論係平民小食、多國菜,或者係放題,都可以在尖沙咀餐廳搵到。今日就同大家介紹下尖沙咀美食啦!

 

尖沙咀美食有好多種,今日主要同大家介紹返:

1. 尖沙咀平價美食 2. 尖沙咀多國菜 3. 尖沙咀甜品

 

1. 尖沙咀平價飯堂

雖然尖沙咀係遊客區,印象中可能都只係得貴價餐廳,但唔好頹住先,其實尖沙咀有唔少平價美食收收埋埋㗎,而lunch放飯嘅平價選擇就仲多!

 

1.1  I Café  平價大份西餐

呢間尖沙咀餐廳嘅嘢食份量十足,lunch set最平四十零蚊,仲會經常換款式,價錢好親民。大食一族叫個邪惡特濃芝士鮮茄焗豬扒意粉就最啱,芝士多,豬扒夠大塊!OL或者keep fit人士就可以揀啲輕食嘅bakery food、沙律咁,都係三四十蚊。而且仲有唔少人話呢度嘅咖啡亦有水準,latte仲有拉花㗎!

圖片來源:OpenRice

 I Café

人均消費:$50以下

營業時間:星期一至六08:00 - 18:00

地址:尖沙咀麼地道67號半島中心1樓115號舖 (Google map

Openrice連結:按此

 

1.2  嘉寶漢堡 性價比高的漢堡店

平時食開啲高質漢堡都要成百蚊,而呢間尖沙咀漢堡店就打破咗「靚漢堡,高定價」嘅定理,提供性價比超高嘅高質漢堡。漢堡用慢煮方式烹調,咬落去啖啖咁juicy。小店漢堡包款式有牛、豬、羊,雞同蝦,每個漢堡即叫即做,熱辣辣~每款都各有特色,就好似烤布利芝士、黑松露之類,大約HK$40-50左右,套餐小食都係加多十幾蚊,而且薯條部份仲見到連住薯皮,口感厚實,有薯味,仲係即叫即炸㗎!

圖片來源:OpenRice

嘉寶漢堡

人均消費:$50以下

營業時間:每日12:30 - 23:00

地址:尖沙咀金巴利道78號金輝閣地下A號舖 (Google map

Openrice連結:按此

 

1.3 東京食堂 隱世高質餐廳

呢間尖沙咀美食位置頗為隱蔽,位於舊式小巷,需要細心搵先搵到。餐廳主打串燒小食,佢嘅鰻魚飯亦非常出色,原條蒲燒鰻魚定食份量大,鰻魚無骨夠厚身同嫩滑,配上微甜燒汁亦唔會太油膩!除咗鰻魚飯,餐廳都有好多其他美食選擇。重點係,美食價錢非常親民,lunch嘅時候最平40蚊就有交易!喺尖沙咀來講,餐廳性價比超高~位置雖然偏僻咗啲,但絕對值得去!

圖片來源:OpenRice

東京食堂

人均消費:$51-100

營業時間:每日12:00 - 16:00及18:00 - 21:30

地址:尖沙咀柯士甸路15A柯士甸大廈地下D舖 (Google map

Openrice連結:按此

 

1.4 新記餐廳 邪惡芝士撈麵

睇完西式日式平價美食,都要睇翻港式平價美食啦!尖沙咀都有唔少茶餐廳,但呢間就比較特別。新記餐廳出名芝士豬頸肉撈丁同雞翼芝士撈丁,芝士嘅分量頗多,甚至淹沒豬頸肉,食落去每一啖都好有芝士味 ,麵質又唔會好冧,芝士同公仔麵亦非常夾!豬頸肉就偏甜又香口,非常惹味!如果鍾意食芝士,不妨去幫襯下呢間尖沙咀美食~

圖片來源:OpenRice

新記餐廳

人均消費:$50以下

營業時間:每日12:00 - 00:00

地址:尖沙咀金巴利道16-20號香檳大廈地下13-14號舖 (Google map

Openrice連結:按此

 

2. 尖沙咀多國菜

尖沙咀係旅客區,自然有唔少來自世界各地嘅美食啦!無論係韓國料理、印度美食或者係西餐廳,都可以喺尖沙咀食到~

 

2.1 OPPA Coffee Bar Restaurant

如果鍾意食韓國料理,就一定要來呢條被稱為「小韓國」嘅金巴利街啦!街上面有好多韓國人開嘅舖頭,亦都有好多韓國美食。今日要介紹嘅呢一間韓國餐廳行韓式芝士潮流風格,非常適合芝士迷。而賣點之一就係佢地嘅海鮮蛋漿熔岩炒飯 。事先係蛋漿和芝士中加入牛奶一齊攪拌,然後倒入特制嘅韓國炒飯中,明火制作。芝士蛋漿係高溫下化開覆蓋米飯上面,蛋香融合著芝士嘅濃郁香味滲透入米飯中,炒飯中又有海鮮嘅風味同些許辣味,口感豐富,回味無窮!

其餘美食包括份量十足的章魚流心芝士小丸子、三色韓國煎餅、紫菜包飯、芝士炸雞、鐵板芝士五花肉等。食韓國料理之餘,仲可以配埋多款韓國啤酒同果酒,唔講仲以為真係去了韓國呀!

 

 

 

圖片來源:OpenRice

OPPA Coffee Bar Restaurant

人均消費: $101-200

營業時間:每日12:00 - 23:30

地址:尖沙咀金巴利街1號F地鋪 (Google map

Openrice連結:按此

 

2.2 藍象 米之蓮泰國菜

泰國餐廳大家應該食過唔少,而呢間位於海港城嘅尖沙咀餐廳就比較特別,係一間米芝連三星級餐廳,亦喺泰國曼谷非常出名。餐廳行泰國宮廷路線,再加埋180度嘅維港海景,環境一流!午餐仲有半自助buffet,有超過20款小食同沙律、甜品任君選擇。如果想坐靠窗位置,就要記得提早book定位啦!

圖片來源:OpenRice

藍象

人均消費:$101-200

地址:尖沙咀廣東道3-27號海港城港威商場3樓3303號舖 (Google map

Openrice連結:按此

 

2.3 Avobar 牛油果主題餐廳

來自倫敦嘅牛油果主題餐廳,於尖沙咀新地標K11 Musea開分店啦~唔單止店名係用牛油果命名,連裝修都以大自然風格為主題,環境舒適,適合大家「打卡呃like」!。餐廳主打一系列牛油果菜式,如人氣度極高嘅Avo牛油果特色漢堡、流心蛋牛油果多士、沙律、三文治、果撻及飲品等多種菜式。由主食、甜品到特飲都一應俱全地滿足粉絲嘅眼球及味蕾享受!

圖片來源:OpenRice

Avobar

人均消費:$201-400

營業時間:每日10:00 - 22:00

地址:尖沙咀梳士巴利道18號Victoria Dockside K11 Musea B2樓B201-4號舖 (Google map

Openrice連結:按此

 

2.4 Kailash Parbat  印度素食
講起尖沙咀的印度菜,大家第一時間一定諗起重慶大廈。但其實仲有其他選擇架!呢間喺印度有65年歷史嘅餐廳Kailash Parbat於尖沙咀開分店,以Fusion天然印度素菜為主打,仲有多款特色小食,可以一嘗咖喱配薄餅以外嘅清新印度菜。同一般餐廳截然不同,呢間印度餐廳餐廳行文青路線,非常適合打卡呀!

圖片來源:OpenRice

Kailash Parbat

人均消費:$101-200

營業時間:每日11:00 - 23:00

地址:尖沙咀寶勒巷3號萬事昌廣場3樓302室 (Google map

Openrice連結:按此

 

3. 尖沙咀甜品屋

如果平日想同閨蜜去尖沙咀食甜品,或者一班朋友食完飯想搵個地方食甜品繼續傾下計,咁就要睇下嚟緊嘅介紹啦!

 

3.1 Tiffany Blue Box Café

Tiffany Blue喺唔少女仔心中都係柔和、夢幻嘅顏色,而你又有冇諗住喺Tiffany Blue為主題色嘅cafe食下午茶呢!呢間全亞洲第一間The Tiffany Blue Box Café於尖沙咀有分店,唔單止令大家少女心爆棚,仲非常適合打卡呀~ 一格格銀藍色嘅玻璃牆身,透出自然日光;座位、餐具都係tiffany blue色,就連甜品本身亦都帶有tiffany blue,總之一入到去,就好似整個人進入咗個tiffany blue嘅世界,grand得嚟又帶有悠閒嘅感覺。亦都有high tea set供大家選擇。

圖片來源:OpenRice

Tiffany Blue Box Café

人均消費:$201-400

營業時間:11:00 - 21:00

地址:尖沙咀北京道1號大堂207-208號舖 (Google map

Openrice連結:按此

 

3.2 成城 Fruitier

呢間以白色為主嘅蛋糕店,係來自東京嘅甜品名店。店內有日本總店師傅坐鎮,用上時令日本水果製作芭菲,甜品款式眾多。同其他甜品鋪唔同嘅係,佢地設有開放式廚房,客人可以睇住師傅製作甜品,製作過程一目了然。

圖片來源:OpenRice

成城 Fruitier

人均消費:$51-100

營業時間:14:00 - 23:00;禮拜二、三休息

地址:尖沙咀堪富利士道6-6A號地下 (Google map

Openrice連結:按此

 

3.3 幸福班戟

講到甜品,點少得班戟呀,呢間位於尖沙咀K11嘅甜品店,賣緊日本人氣即叫即製班戟。班戟味道選擇多,提供甜班戟作甜點之外,仲提供埋作正餐嘅鹹班戟~配上唔同嘅新鮮蔬菜或鮮果,滋味無窮~有時仲會推出期間限定。店鋪裝修有少女風,打卡一流。

圖片來源:OpenRice

幸福班戟

人均消費:$101-200

營業時間:禮拜一至五11:00 - 21:00;星期六日11:00 - 22:00

地址:尖沙咀梳士巴利道18號Victoria Dockside K11 Musea 2樓233A號舖 (Google map

Openrice連結:按此

 

3.4 嚐仙

芋頭控請注意!呢間台式糖水鋪,主打手工芋泥、芋圓、黃金地瓜泥,去唔到台灣都可以食到台式糖水!店舖以原味、健康為旨,甜品均不加防腐劑,每日新鮮製作,而80%食材都由台灣直送。鍾意食芋圓嘅你就千奇唔好錯過啦!

圖片來源:Openrice

嚐仙

人均消費:$50以下

營業時間:每日12:00 - 23:00

地址:尖沙咀金馬倫道19號地下A舖 (Google map

Openrice連結:按此

 

唔知大家睇完呢篇尖沙咀美食推介,又有冇搵到自己心水餐廳呢?

 

你可能會感興趣的文章:

【K11 MUSEA】堪稱全球最美商場! 尖沙咀打卡美食玩樂全攻略

【銅鑼灣美食】搵食攻略:最齊全的銅鑼灣餐廳推介2020


 

拍拖心願清單 + 靈感搜尋器

記低你地想一同達成嘅心願,需要靈感仲可以用我地嘅靈感製造機,自動推介吃喝玩樂去處同優惠,行山路線,最新電影等等並推薦給你

ReUbird 社交工具已經有 3000+ 用戶使用,快啲黎試下啦!
熱門文章




關鍵詞:
香港 【尖沙咀美食】精選12間尖沙咀餐廳 | 多國特色餐廳盡在尖沙咀  香港   香港   香港