Whatsapp Share Whatsapp Share
×
搵活動 夾時間神器 關於我們 到會美食 玩樂雜誌 登入 註冊
×
搵活動 夾時間神器 關於我們 到會美食 玩樂雜誌 登入 註冊
×
 Hong Kong hk 香港 玩樂雜誌 【觀塘好去處】5間觀塘餐廳食Lunch好推介 - 又抵食又好味
ReUbird 玩樂雜誌   #美食
【觀塘好去處】5間觀塘餐廳食Lunch好推介 - 又抵食又好味

觀塘有咩lunch好食?咁多觀塘餐廳,邊一間既午餐先最好食?


by Brian

🌏 Traveller | 📸 Photographer | 🍭 Foodie |


觀塘除咗好多Party Room,仲有好多美食。小編係觀塘番工,雖然觀塘好多人有時都幾煩厭,但係Office係觀塘嘅好處就係有超級多觀塘美食。無論係觀塘工廈、茶記、日本菜、泰菜、台灣菜都會可以搵到觀塘美食餐廳。係香港食個午餐都好貴,又唔一定好食,所以今次會介紹5間小編J同同事Lunch Time 食過而覺得好食嘅觀塘餐廳,同埋最緊要係值!事不宜遲,帶你睇睇觀塘lunch食咩好!


咩係Reubird?

Reubird 係一個屬於香港人嘅娛樂活動預約平台, 提供全港玩樂活動折扣優惠 🎯 🎳 🎮 🎤 🎡 🎢

平台推出咗半年,有超過180間 Partyroom 預訂及查詢,未來一年會繼續為大家搜羅其他娛樂活動優惠!

快d去我哋網站睇下啦 :reubird.hk


1)觀塘港式美食:高興

相信係觀塘番工嘅人都識得去高興食午餐,呢間觀塘餐廳裡嘅設計係參考舊式香港,有懷舊復古嘅味道。佢地嘅 Lunch Set 咩種類都有:日式韓式,焗飯意粉都有,仲包埋飲品,而且價錢好平,$65 一定埋單。又唔會限時,同朋友傾多一陣都唔驚被人趕~ 普普通通食個平價Lunch,高興的確係唔錯既選擇!



高興

營業時間:星期一至日 11:30 - 22:00

地址:觀塘成業街19-23號成業工業大廈地下2號舖

前往方法:港鐵觀塘站 B2 出口,步行約 4 分鐘

Google Map:按此

電話:2650 0028

OpenRice連結:按此

Fb專頁:按此


2)觀塘米之蓮潮菜食肆 - 阿鴻小吃

阿鴻小吃係一間米之蓮餐廳,專食潮洲小菜。餐牌上所有美食,我都覺得好好食。特別推介係 (1) 蠔仔粥:好足料啖啖都係蠔!(2) 櫻花蝦撈麵或其他撈麵:個汁好正,配埋其他餸好濃味!仲有無論係素食,定滷味燒味都好好食!價錢又唔算好貴,抵食!




阿鴻小吃

營業時間:星期一至日 11:30 - 22:30

地址:觀塘鴻圖道83號東瀛遊廣場地下A舖

前往方法:港鐵觀塘站 B2 出口,步行約 9 分鐘

Google Map:按此

電話:3107 4111

OpenRice連結:按此

Fb專頁:按此


3)觀塘工厦美食Cafe - I’s Land Cafe

L’s Land Cafe 係觀塘工厦餐廳,位於駱駝漆大廈。餐廳舖面闊落,所以Lunch Time去都唔會覺得好迫,裡面佈置好靚好似係花園享受緊Lunch咁,有綠油油嘅花草樹木作裝飾。佢地 Set Lunch 包頭盤:湯同包;主菜;同飲品。小編覺得個磨菇湯有少少咸,不過佢地嘅主菜(小編試過 (1)雞肉野菌意大利飯 (2)深海鱸魚配紫薯蓉)好好味,份量又足夠,而且仲幾健康,唔會有好多味精。


I's Land Cafe

營業時間:星期一至日 12:00 - 22:00

地址:觀塘開源道62號駱駝漆大廈1座6樓A舖

前往方法:港鐵觀塘站 B1 出口,步行約 3 分鐘

Google Map:按此

電話:5307 3636

OpenRice連結:按此

Fb專頁:按此


4)觀塘工厦泰式美食 - Add Some Thai

Add Some Thai Restaurant 係一間位於觀塘工厦泰國餐廳,面積大有空間感,坐得好舒服,而且佈置充滿泰國風。我一定要推介大家去食佢地嘅小食同甜品!上一次食佢地嘅「自家製手打蝦餅」食到唔停口,同出面嘅蝦餅完全唔同,脆脆皮,每一啖都好享受。而佢地嘅甜品:芒果糯米飯個飯有啲硬,難咬開,不過芒果好甜!仲有「自家製千層糕」,個椰味啱啱好,寫到而家好想食~ 





Add Some Thai

營業時間:星期一至日 12:00 - 22:30

地址:觀塘開源道62號駱駝漆大廈一座9樓D室

前往方法:港鐵觀塘站 B1 出口,步行約 3 分鐘

Google Map:按此

電話:2774 1008

OpenRice連結:按此

Fb專頁:按此


5)觀塘工厦台式餐廳 - 小時光 

小時光係一間位於觀塘工廠大厦既樓上餐廳,店舖設計好得意,裝修好似一間80, 90年代舊式學校,擺設似班房一樣,有懷舊玩具做裝飾。除咗地方裝修有特色,食物都相當有水準!台灣滷肉便當、香酥雞便當、麻辣雞絲冷麵、台式紅燒牛肉麵等都好好味~ 麵嘅湯底好正,肉質地又好,價錢又抵,只需要約$60 就食到有水準嘅Lunch!



小時光

營業時間:星期一至日 12:00 - 21:00

地址:觀塘興業街18號美興工業大廈A座1樓C室

前往方法:港鐵觀塘站 B1 出口,步行約 7 分鐘

Google Map:按此

電話:3188 2380

OpenRice連結:按此

Fb專頁:按此


睇完以上觀塘食lunch美食推介,喺觀塘,就唔怕諗唔到lunch食咩好啦!

觀塘實在有太多美食,未能盡錄,可以睇埋以下關於喺觀塘午餐推薦片段:



其他相關文章:


Reubird 除咗推介好多玩樂嘅場地活動任你選擇之外,仲會介紹唔同嘅美食餐廳,咁又點會少得任你選擇嘅 Party 到會美食呢~ 係Reubird 平台選擇好去咩地方玩,可以直接揀埋Party 美食。無論有3人定12人,Reubird 都能安排到會套餐,幫你慳時間;唔需要運費,又慳埋錢!


快啲去 Reubird 到會揀你想食咩:


Reubird 提供香港不同種類的玩樂活動:Party Room, BBQ, 室內刺激活動, 戶外活動
推介活動專屬:拍拖好去處, 親子活動, Team Building




熱門文章




關鍵詞:
香港 【觀塘好去處】5間觀塘餐廳食Lunch好推介 - 又抵食又好味  香港   香港   香港