-

載入中...

 -

正在發出你的查詢...

Whatsapp Share Whatsapp Share
 -


正在發出...

× 搵活動夾時間神器 關於我們 到會美食 玩樂雜誌 登入 註冊
  Hong Kong hk 香港 玩樂活動 假如你男朋友係Avengers 適合  至  人

假如你男朋友係Avengers

你男朋友係似邊一位英雄呢?係Iron Man? Doctor Strange? 定Captain America?


Blogger:
Jessie

🌙 be crazy, be stupid, be silly, be weird 🌙


   (前往 Google Map)




圖:Marvel

雖然 Iron Man 個個都好鐘意又型又有車有樓,但其實美國隊長同鷹眼先係似乎最接近完美嘅男友的資質~不過無論如何男朋友係邊一type Avengers,佢一定係一位打得睇得又正義,最緊要係錫你嘅男友~


美國隊長 Captain America

圖:https://www.thewrap.com/chris-evans-captain-america-avengers-4/

有美國隊長男朋友嘅你,拍拖時候一定滿滿嘅安全感,佢係一個傳統男人,長情又專一,唔會亂咁同其他女仔聯絡。而且溫柔有紳士風度,平時拍拖都會送你番屋企。男朋友很值得依靠住因為佢好鐘意保護你,例如女朋友出去飲酒時候一定會親自到酒吧接你並送你番屋企。佢份人好誠實正直,直話直說,所以有時候唔小心得罪咗你都唔覺。亦都因為佢有一套自己嘅規則,所以同佢有爭吵,會聽佢講好多大道理,而且唔會輕易讓你。


Iron Man 

圖:https://mashable.com/2018/04/17/ironman-tony-stark-death-avengers-infinity-war/

如果你男朋友係Ironman型,你就要小心 d喇,男朋友有車有樓又有型,而且佢仲要成日口甜舌滑,所以有好多女仔痴埋身。不過佢咁識得講d 好浪漫甜蜜嘅說話又會買禮物比你,做錯事都唔會嬲好耐。所以亦要企硬,唔好比佢嘅甜言蜜語氹到你啊,唔係佢下次繼續做錯!Iron Man男友係人地面前會突出自己大男人的一面,突顯自己女朋友係小鳥依人嘅感覺,但事實上多數係靠你照顧佢。鐘意 show-off 嘅佢,好鐘意係社交網站高調地放閃,都好嘅 拍拖時你迫佢著情侶裝帶情侶表,佢都唔會嫌三嫌四~


雷神 Thor

圖:https://www.cnet.com/how-to/avengers-endgame-countdown-stream-marvel-movies-in-order/

身型健碩 成身肌肉好似彭于晏嘅男朋友,成日都去做gym 嘅男友本身對自己就有要求。除咗對自己身型有要求之外,男朋友亦非常重視自己事業,而且睇義氣好重有好多好兄弟,兄弟有事都一定會幫手。所以有時候女朋友會覺得自己被忽視了,要嗲下發下脾氣會好d,要佢記得你嘅重要性呀。男朋友有事業有身型,仲要係考順仔,就算有幾忙都會抽時間同屋企人食飯,咁就知道第時佢一定會好錫你。不過要改善一下的地方就係佢嘅大頭蝦性格,細節上嘅事都成日忘記,例如週年紀念日子都唔知有時真係會嬲!


咩係 Reubird
Reubird 係一個屬於香港人嘅娛樂活動預約平台, 提供全港玩樂活動折扣優惠 🎯 🎳 🎮 🎤 🎡 🎢


平台推出咗一年,有超過 180間 Partyroom 預訂及查詢,會繼續為大家搜羅其他娛樂活動優惠!

快d去我哋網站睇下啦 :reubird.hk

除咗玩緊係唔少得食喇,我地仲有到會推介,無論係 BBQ到會, 生日到會, Party 到會,搵Reubird就無錯喇!
到會服務


變型俠醫 Hulk


圖:https://www.inverse.com/article/15083-why-hulk-and-thor-not-in-captain-america-civil-war

有個 Hulk 男朋友實會對你千依百順,讀書又叻博學多才而且分析力好強但係就比較情緒化,係一名大細路,好易就暴燥。外表好像似蠻橫無理大男人嘅佢,對住其他人就較兇惡,少少事就會激到佢。其實佢內裡好溫柔好想有人關心佢錫住佢,一對住女朋友會變得溫文爾雅,瞬時變成另一個人。所以其他人同 Hulk型男生做事最好叫埋佢女朋友一齊喇~ 


Doctor Strange 


圖:http://yousense.info/646f63746f72/doctor-strange-marvel-cinematic-universe-wiki-fandom.html

Doctor Strange 男朋友對自己好高要求做事追求一百分,佢能力好高識得多野,同佢拍拖會學識到好多新事物。但亦因為佢認為自己咁叻,所以自尊心好強同份人有啲自大同硬頸,如果你地鬧交要有心理準備係你唔會贏啊~ 不過其實佢內心好關心你,好鐘意見到你開心,佢都係唔識表達自己的感情啫~


鷹眼 Hawkeye

圖:https://www.screengeek.net/2017/12/13/jeremy-renner-teases-new-hawkeye-look-for-avengers-4/

如果你男朋友係鷹眼型,咁你一定係一位小公主因為你男朋友係個成熟穩重的男人。佢好鐘意照顧身邊嘅人就好似一位爸爸咁,仲會同你討論將來嘅事又會計劃之後幾年大家嘅生活。非常顧家嘅佢對於做家務煮飯全部無問題,最緊要係唔會有怨言。佢係一個少說話多做事嘅人,平時唔會講好多說話但係會默默地為你做好多事,應承得你就一定做到,所以女士們可以安心咁依靠佢喇,咁踏實穩重嘅男人真係筍盤嚟㗎!


Loki 洛基


圖:https://www.dailydot.com/parsec/fan-made-loki-supercut-brother-of-thor/

古靈精怪嘅 Loki男友平時真係好難捉摸,無論佢會做咩講咩都唔係一般人輕易估到。作為 Loki 女朋友的你雖然成日被佢整蠱,但因為佢嘅鬼馬性格所以你同拍拖時候好開心,佢嘅幽默感係其中一個你鐘意佢嘅特質。當你想嬲佢嘅時候,佢跳脫嘅性格又會做一啲事令到你嬲唔落,梗係可以講到一啲好似好合理嘅理由。但要留意一件事,因為佢嘅性格睇落經常好樂觀,細心觀察會慢慢發現佢只係表現佢開心幽默嘅一面,但另一面就會收收埋埋,所以女朋友要多多同Loki男友傾下心事喔~


Antman


圖:https://bgr.com/2019/01/03/avengers-endgame-theory-explains-who-saves-ant-man-from-quantum-realm/

同 Antman男友拍拖一定唔驚悶,因為佢係一位風趣同好多野講嘅男士,無論遇到咩事佢都可以講一餐。佢有時做事會好衝動所以會變成無心犯錯,所以女朋友要好好睇實佢呀。如果佢愛一個人,佢會做任何事去保護佢,要好好珍惜Antman男友喔~


Reubird 有齊 香港九龍新界 Party Room 嘆完觀塘工廈美食再去 觀塘 Party Room 打麻雀唱K, 行街後去 銅鑼灣開Party 享受二人世界, 同小朋友係荔枝角 玩波波池, 同朋友係 旺角 Party Room 玩通宵, 定係去屯門包場燒烤,Reubird 都有啱你嘅!

除咗有平價 Party Room,仲有各種類型嘅玩樂活動讓你拍拖, 親子活動, 公司event 都更刺激好玩:有人氣遊戲泡泡足球, 暑假必玩嘅船P, 又刺激順便減肥嘅 VR , 做個太空特工玩鐳射槍, 激烈 室內攻防 Running Man 遊戲 仲有全港唯一商廈嘅 War Game場


嗌埋 Party 美食喇!



你可能會喜歡以下其他推介 🤗 :


關鍵詞:
香港 假如你男朋友係Avengers  香港   香港   香港