Whatsapp Share
reubird-logo

登入 註冊

聯絡我們 關於我們
×
 Hong Kong hk 香港 玩樂雜誌 【過大禮清單】傳統及簡易版過大禮程序你要知  各類吉祥物品需準備

【過大禮清單】傳統及簡易版過大禮程序你要知 各類吉祥物品需準備

最詳盡嘅過大禮程序、必備品list及禁忌~

#結婚 #禮物

by Juliette

📷Travel |🐾Photography


 

 

無論古今中外,婚禮都係一件隆重及莊嚴嘅事,當中涉及好多唔同嘅程序。而過大禮便係中式婚禮內嘅必備儀式,當中都涉及到唔少繁複嘅程序及禁忌,稍微出錯便可能影響深遠。今日小編就整理咗呢個過大禮懶人包,當中包括過大禮嘅準備及基本流程、傳統版同簡單版過大禮聘禮、禁忌說話,希望可以幫到煩惱緊過大禮程序嘅新人們!

 

快捷鍵:

1. 過大禮準備 2. 過大禮流程 3. 男方過大禮物資(跟足傳統版)
4. 男方過大禮物資(簡單版) 5. 女方回禮物資 6. 過大禮禁忌

 

 

一、過大禮準備

1. 擇個吉時吉日(婚前30 - 45日)

2. 準備禮金(記得提前商量好禮金數量,並且揀個吉祥嘅數字)

3. 男家準備過大禮物品(物品數量要雙數)

4. 女家準備過大禮回禮物品

5. 男方搵親友幫手過大禮當天將聘禮送到女家

圖片來自互聯網

 

二、過大禮當日流程

1. 男家親友將過大禮物資送至女家,女方父母及親友在家等候

2. 新娘父母出門迎接,接受禮金,並邀請男家親友入屋

3. 男家親友將聘禮物品逐一送上,並說出吉祥說話

4. 新郎進入女家,影相留念

5. 女家親友將回禮送回男家

6. 禮成

注意:過大禮期間,新郎及新娘記得要避席呀!

圖片來自互聯網

 

最正確的選擇,就是選擇那個最切合你需要的。

ReUbird場地平台搜羅逾400個場地供大家租用,只要選擇你需要的場地種類和活動用途,你就能找到適合的場地,再在當中作篩選即可。簡單操作、方便使用、快速搜尋、一站式服務,ReUbird幫你簡化繁複的比較步驟!

 

👉酒吧、工作室、演講廳、會議室、貴賓房、宴會廳、表演場地、展銷場地、時租場地、大型活動場地👈

👉派對、會議、講座、婚禮、展覽、謝師宴、工作坊、週年晚會、表演拍攝、產品發布會👈

 

三、男方過大禮物資(跟足傳統版本)

1.禮金

2.椰子兩對(代表有爺有子)

3.檳榔兩對

4.八樣京果(荔枝乾、龍眼乾、核桃、百合、紅豆、綠豆、蓮子和花生)

5.茶葉(因茶樹不能移植,代表矢志不渝)

6.龍鳳燭兩對 (比喻:心心相印)

7.男女家對聯(比喻:吉祥喜慶)

8.紅頭繩兩條

9.唐餅

10.四式或八式海味

11.酒

12.新鮮扁柏

13.青萋

14.雞兩對

15.生魚兩對

16.豬肉兩份

17.帖盒

18.生果兩籃(比喻:生生猛猛)

注意:男家可以預先將過大禮物資分兩份,方便女家回禮時取一半。

圖片來自互聯網

 

四、男方過大禮物資(簡單版)

傳統上,男方通常都要準備好多樣過大禮物資,而宜家都有唔少新人會選擇一切從簡,將過大禮呢個儀式簡單化。如果唔想準備各式各樣嘅物資,就可以用利是代替啦!利是封上要寫明項目,例如代替豬肉嘅叫「豬肉金」,而代替衣料嘅就叫「衣料金」啦!而部分重要嘅禮品,例如生果、唐餅、龍鳳餅同龍鳳燭就最好都係準備返啦!如果咁樣都覺得複雜,想再簡化D,就可以準備一封寫住「包羅萬有」嘅利是啦!

圖片來自互聯網

 

五、女方回禮物資

1.將男方過大禮時所送來的一半禮品給予男家

2.蓮藕一對(比喻:佳偶天成)

3.石榴一對(比喻:榴花結子)

4.芋頭薑一對

5.柚葉及大茶(大發、鬆糕、煎堆及紅鮑)

6.外母需另購皮帶、褲及銀包比女婿(現今多以女婿禮金利是代替)

圖片來自互聯網

 

六、過大禮禁忌

1. 禮金數字要好意頭,可以88或99結尾,唔好存在4(死)呢種唔吉利嘅數字

2. 避開某啲諧音唔吉利的生果,例如橙(慘)、梨(離)、芒果(亡)同香蕉(死)

3. 傳統過大禮準新人要避席,女方要留在房中或外出迴避,而男方則不能進入女方家門,避免「入贅」之意

4. 新娘切忌食過大禮嘅喜餅,因喜餅代表自己嘅褔氣,所以唔可以食咗自己嘅褔氣

5. 供奉在神台祭祀時,女方或會不小心把香燭插歪了。不過要提醒大家,就算插歪了,都唔可以將香燭由香爐中拔出來重插,因為上兩次香有再婚之意。

圖片來自互聯網

 

雖然過大禮程序複雜,但為咗抱得美人歸,付出小小時間準備都值得嘅~希望以上嘅過大禮注意事項,可以幫到正在為過大禮而煩惱緊嘅準新郎新娘啦!

 

其他與婚禮有關的文章在這裡哦:

【婚紗禮服租借】精選15間婚紗店|為你找到浪漫迷人的專屬款式

【喜帖寫法】結婚喜帖格式內容 教你撰寫完美囍帖

【人情公價2021】結婚人情利是 酒店婚宴/ 酒樓婚宴人情價位人情參考

【求婚場地】娶得美人歸 | 浪漫求婚地點你要知

 

拍拖心願清單 + 靈感搜尋器

記低你地想一同達成嘅心願,需要靈感仲可以用我地嘅靈感製造機,自動推介吃喝玩樂去處同優惠,行山路線,最新電影等等並推薦給你

ReUbird 社交工具已經有 3000+ 用戶使用,快啲黎試下啦!

關鍵詞:
香港 【過大禮清單】傳統及簡易版過大禮程序你要知 各類吉祥物品需準備  香港   香港   香港