最近旅行潮，人人都飛嚟飛去，但一離開香港耐左，總係會想心思思想食返港式嘢。如果你都有鋪港式常餐癮，耐唔耐都要飲返杯奶茶嘅，但又想有啲新意，不妨試下依間無論餐廳環境定食物質素，都勁有心思嘅龍門冰室？
餐廳裝修十分型格，以黑白色為主調，黑天花黑牆面，白光燈膽白檯面，幾樣嘢互相襯托起嚟，簡簡單單又不失型格，仲帶種時尚感，同以往去開嘅冰室截然不同。
而唔同分店都有特色Avengers 裝潢，Avengers 擁躉實在必去！就算你係仲未分到角色邊個打邊個嘅可愛女友，都不妨考慮帶男朋友仔嚟食，等佢開心下！
唔好以為餐廳裝修打到卡就代表食物無心思呀，龍門冰室提供嘅3.6特濃牛乳芝士玉子燒常餐超吸引，湯麵有足足10種選擇，除左有常見種類，如沙嗲牛肉公仔麵同雪菜肉絲米粉外，仲有較少見嘅選擇，如炸醬豬頸肉米線！
講起常餐至常見嘅雪菜肉絲米粉，多數都係經醃製過超高鈉雪菜，但龍門冰室嘅雪菜肉絲米粉就用左秘製新鮮雪菜，雪菜唔單止保持翠綠，仲仍然爽脆，唔會太鹹，好味又健康！
常餐所配嘅芝士玉子燒，共有4種選擇，分別係：吞拿魚芝士玉子燒、香辣肉醬芝士玉子燒、咸牛肉芝士玉子燒同黑松露雜菌芝士玉子燒！
咸牛肉芝士玉子燒
咸牛肉超足料，味道突出，香口又唔會油淋淋，加埋豐富蛋汁好juicy!
黑松露雜菌芝士玉子燒
黑松露雜菌芝士玉子燒係另一推介！餐廳出手闊綽，落左唔少黑松露，一切開已經聞到黑松露味勁香，配上至夾嘅雜菌，簡直係無得輸！
奶茶fans除左可以試試佢地跟餐嘅3.6特濃奶茶外，都不妨轉配佢地嘅奶茶紅豆冰！雖然係凍飲，但茶味仍然香濃，配上甜度適中嘅紅豆，值得推介！
如果破格港式常餐都係滿足唔到你，唔緊要，即管試下佢地嘅英式All day breakfast!
依份All day breakfast 超足料，有齊炒滑蛋、煙三文魚、煙肉依啲經典配料，仲配餐湯、沙律同嘢飲，價錢三位數唔使，比出面餐廳平一截，實在好抵食！
最後，私心推介佢地嘅瑞士汁雞翼，唔會過鹹過甜，但又超入味，惹味嫩滑，一個人食晒成碟無問題！
--------------------------------------------------------------------------------
龍門冰室 （共五間分店）
尖沙咀店
地址：尖沙咀金馬倫道34-36A福橋大廈地下A及B舖
電話：24134366 / 24134486
營業時間：07:00 - 01:00
銅鑼灣店
地址︰銅鑼灣登龍街28號永光中心地下
電話：2413 4168
營業時間︰07:00-01:00
炮台山店
地址︰炮台山電氣道254-280號華凱大廈地下I舖
電話：2413 4318
營業時間︰ 06:00-00:00
紅磡店
地址︰紅磡寶其利街47號銳光中心地下
電話： 2325 2686
營業時間︰06:00 – 00:00
屯門總店
地址︰龍門路43號龍門居第10座地下102號舖
電話： 2449 6363
營業時間︰05:30 – 00:00