Whatsapp Share
reubird-logo

登入 註冊

聯絡我們 關於我們
×
 Hong Kong hk 香港 玩樂雜誌 【香港野餐】最齊20個靚景草地 逐一點評|鬧市中心、隱世秘境、無敵海景

【香港野餐】最齊20個靚景草地 逐一點評|鬧市中心、隱世秘境、無敵海景

想係香港享受青青大草原?港島、新界、九龍,想就腳啲、或者避開人潮都可以搵到最心水嘅野餐好去處!

#拍拖好去處 #親子好去處 #週末好去處 #野餐

by Sky

✨Somewhere over the sky☁️🌈


出街玩想要新靈感?
全港18區好玩好食好去處推介,盡在ReUbird!

ReUbird 小編知大家鍾意大自然,又鍾意享受美食~ 想係大自然嘅懷抱中食好野?野餐就係你最好嘅選擇啦!無論你身處係邊一區,總有一個野餐好去處係你左近!今日就等 ReUbird 帶你探索香港即刻睇埋落去啦!

香港島

山頂公園

添馬公園

中山紀念公園

數碼港海濱公園

新界

將軍澳單車公園

大埔海濱公園

塔門

迪欣湖

九龍

觀塘海濱公園

啟德跑道公園

佐敦谷公園

西九海濱長廊

零碳天地

南昌公園

梳士巴利花園

樂富配水庫公園

九龍仔公園

油麻地配水庫公園 

(香港嘉里酒店) - 不准野餐

(尖沙咀海港城露天平台) - 不准野餐

 

 

【野餐好去處|港島】

港島|野餐第一站:山頂公園

講到香港野餐好去處,山頂公園絕對係其中一個不可多得嘅野餐勝地,山頂公園曾經係港督嘅後花園,後來因為戰火損毀,改建成屬於每個香港人嘅秘密花園。 除左有綠油油嘅草皮,行山嘅路途也有不少歐陸式打卡點,想要靚景野餐?就去山頂公園啦!

野餐評級:山頂公園

地點:山頂柯士甸山道(顯示地圖)

交通:中環站乘搭15號巴士,前往凌霄閣,然後步行至目的地

補給站:凌霄閣

多元玩樂:★★★★☆

環境:★★★★☆

方便度:★★★☆☆

詳細介紹:【山頂公園】香港秘密花園|悠閒行山、貴族野餐、文青打卡

 

 

港島|野餐第二站:添馬公園

添馬公園位於香港金鐘,毗鄰新政府總部及立法會,公園設計簡約雅致,景觀開揚,維港美景盡入眼簾。園內有多片大綠草坪,猶如「綠地毯」,供遊人散步或閒坐,盡情享受綠化空間。其他設施有園景花園、特色水景、觀景台、露天劇場及添馬茶座等等。

野餐評級:添馬公園

地點:金鐘夏愨道(顯示地圖)

交通:由港鐵中環站A出口或香港站A2出口步行約十分鐘

補給站:附近的海富中心、金鐘廊、太古廣場都有超市

多元玩樂:★★★☆☆

環境:★★★★★

方便度:★★★★★

詳細介紹:野餐好去處 識去一定去添馬公園!

 

港島|野餐第三站:中山紀念公園

中山紀念公園坐落於西營盤嘅海濱公園,有適合野餐嘅大草地,以及體育中心、慢跑道。中山紀念公園有一個超大圓形草地,係其中一個野餐好去處!中山紀念公園除左有大草地之外,附近仲有具有歷史意義嘅鐘樓、四大寇庭院及遊樂設施,大家仲可以漫步海傍,吹住海風、望住湛藍嘅大海野餐。

圖片來源:Wiki

圖片來源:GoTrip HK

野餐評級:中山紀念公園

地點:西營盤海傍東邊街北16號(顯示地圖

交通:西營盤站A2出口,步行約5-10分鐘

補給站:附近沒有大型商場,但有附近街道的食店

公園配套:洗手間、飲水器

多元玩樂:★★★★☆

環境:★★★★★

方便度:★★★★☆

詳細介紹:中山紀念公園

 

喜歡呢篇文章嗎?
 
歡迎你 Follow 我哋 Instagram 或者 Like 我哋 Facebook Page,收到我哋最新發放嘅資訊!
 
無論係朋友家庭聚會、拍拖、Party、公司活動、慶祝節日或婚禮, ReUbird 都幫你輕鬆計劃每個活動。

你可以透過 ReUbird 網上平台網上預訂及查詢:
到會美食 | Party Room | 蛋糕 | 精美花束 | 特色禮物 | 活動場地

 

港島|野餐第四站:數碼港海濱公園

數碼港海濱公園都係出名嘅狗公園,位處港島南區,環境幽靜,對於狗主同毛孩黎講係不可多得嘅野餐好去處!各位奴才帶住主子去野餐,咁主子都可以趁機會親親大自然放下風啦!有面向大海嘅草地,清幽舒適環境,超級適合放風箏!而且駕車去亦十分方便,係公園旁就有咪錶或停車場可供使用。 需要去洗手間、食物補給,可以行2分鐘就到數碼港商場。


野餐評級:數碼港海濱公園

地點:鋼綫灣數碼港道100號(顯示地圖

交通:

  • 巴士: 30X(中環), 42C(北角),73(赤柱), 107P(紅磡), 970(深水埗)
  • 小巴: 10(銅鑼灣), 58(香港仔/西環), 69(太古), 69A(香港仔), 69X(銅鑼灣)

補給站:數碼港商場

多元玩樂:★★☆☆☆

環境:★★★★☆

方便度:★★★☆☆

詳細介紹:全港親子單車地圖14 之數碼港

 

【野餐好去處|新界】

新界|野餐第一站:將軍澳單車公園

將軍澳單車公園內有廣闊草坪供市民係一大片草地上野餐。同時,係草地嘅另一端,另設有多項康體設施,包括極限運動場、露天劇場、緩跑徑、運動攀登牆、兒童遊樂場,長者健體園地和模型船池。

由於地點方便,唔少附近嘅居民會係單車公園放風箏、玩兒童遊樂設施、打羽毛球,假日時,呢度仲嘅人氣嘅野餐好去處!

野餐評級:將軍澳單車公園

地點:將軍澳寶康路105-107號(顯示地圖

交通:港鐵坑口站B2出口或將軍澳站A1出口,步行約5分鐘

補給站:單車館的茶座、或者連接地鐵站的Popcorn

公園配套:洗手間、飲水器、茶座

多元玩樂:★★★★★

環境:★★★★★

方便度:★★★★★

詳細介紹:將軍澳單車館公園

 

你可能會有興趣:

 

新界|野餐第二站:大埔海濱公園

大埔海濱公園佔地約22公頃,係康樂及文化事務署轄下最大嘅公園,大家仲可以租單車係單車徑上踩單車添呀。公園提供多項體育設施,並設有昆蟲屋和多個主題花園,更有紀念回歸塔,可以供遊人觀賞風景,動靜皆宜。

同時公園亦有野餐草地,寬敞嘅場地令大家除左可以係模型船水池上放船,仲可以係大草地放風箏,肚餓就坐低野餐。

圖片來源:Wiki

圖片來源:Getready

野餐評級:大埔海濱公園

地點:新界大埔大發街(顯示地圖

交通:大埔墟港鐵站B出口,然後步行約30分鐘或轉乘 71K 線巴士

補給站:公園內有小食亭/餐廳

公園配套:洗手間

多元玩樂:★★★★★

環境:★★★★★

方便度:★★★★☆

詳細介紹:大埔海濱公園.假日輕鬆遊

 

 

新界|野餐第三站:塔門

塔門是位於西貢北面嘅一個小島,島內有好多堆疊嘅大石,高聳如塔,因而得名。塔門內嘅茶記以海膽炒飯聞名,你絕對唔可以錯過。如果你鍾意假日去行山,塔門就係最適合嘅野餐好去處!係廣闊嘅自然大草地上,飽覽環迴360度無敵大海景,不時仲會有牛牛係你身邊經過!

塔門仲有好多景點值得你去探索遊覽:
【塔門一日遊】美食+景點一覽|天海之間,與牛作伴,無痕環島行走塔門!

圖片來源:getready

野餐評級:塔門

地點:塔門(顯示地圖

交通:港鐵大學站B出口,步行至馬料水碼頭,搭乘輪渡至塔門碼頭上岸

補給站:塔門碼頭有茶記餐廳

公園配套:公廁只有兩個,一個在碼頭旁,另一個在上山附近

多元玩樂:★★★★☆

環境:★★★★★

方便度:★★★☆☆

詳細介紹:望著無界線的海平面野餐。塔門

 

新界|野餐第四站:迪欣湖

迪欣湖,鄰近香港迪士尼樂園,係最熱門嘅野餐好去處。呢度可以欣賞大自然嘅優美景色,同時亦可享受各項活動及配套,例如有小船和單車租借服務、野餐、植物園、兒童遊樂場等等。同時,呢度嘅裝修都好迪士尼風格,欄杆上有米奇老鼠造型,連照明燈、長椅等都具美國特色。仲有便利店可以補給,除左零食飲品,仲有魚蛋燒賣可以買。

圖片來源:flickr

圖片來源:wiki

野餐評級:迪欣湖

地點:香港迪士尼樂園度假區(顯示地圖

交通:可在香港迪士尼樂園度假區交通交匯處乘坐R8遁環線,又或者可以由東涌踩單車入迪欣湖

補給站:7-11便利店

公園配套:洗手間

多元玩樂:★★★★★

環境:★★★★★

方便度:★★★★★

詳細介紹:【親子好去處】欣澳迪欣湖活動中心 遠離繁囂踩單車野餐

 

新界|野餐第五站:西貢深涌

西貢深涌嘅呢片無敵大草地,可以話係真隱世秘境。人跡稀少,一眼望過去,除左係廣闊嘅大草原,就係倒映天空嘅河溪。要黎到呢個深涌草地可以由大浪窩開始行山,沿路有漁排、紅樹林、破舊村落等美景。鋪上一塊野餐布、準備好嘅便當,一齊係到享受大自然嘅寧靜,度過一個美麗嘅下午。

圖片來源:brigitte_cheung

圖片來源:megbie

野餐評級:西貢深涌

地點:新界西貢(顯示地圖

交通:在西貢市中心乘299巴士,或在沙田市中心乘299x,或在烏溪沙港鐵站乘99號巴士,在水浪窩站下車

補給站:沒有

多元玩樂:★★★☆☆

環境:★★★★★

方便度:★★☆☆☆

詳細介紹:[香港山女] 深涌 大草原野餐

 

喜歡呢篇文章嗎?

歡迎你 Follow 我哋 Instagram 或者 Like 我哋 Facebook Page,收到我哋最新發放嘅玩樂情報!

一到週末或者放假,就想喺香港周圍玩周圍食?無論係同屋企人定朋友出街玩,定係同另一半拍拖,ReUbird 都幫你輕鬆計劃好每個活動 👫

繼續探索香港:

 

【野餐好去處|九龍】

九龍|野餐第一站:觀塘海濱公園

沿著觀塘海濱有長長嘅一片休憩草坪供遊人野餐,沿海嘅海濱步道全長約一公里,遊人係步道上可以近距離欣賞東九龍新地標 ── 啟德郵輪碼頭同跑道公園,仲可以遠眺港島東嘅璀璨夜景,飽覽維多利亞港同鯉魚門嘅風光。間唔中,仲會見到年輕嘅音樂人同創作者係度busking同攝影取景。

圖片來源:wiki

野餐評級:觀塘海濱公園

地點:觀塘海濱道80號(顯示地圖

交通:觀塘站A出口穿過apm,步行15-20分鐘

補給站:公園的小食亭

公園配套:洗手間

多元玩樂:★★★☆☆

環境:★★★★☆

方便度:★★★★☆

詳細介紹:觀塘海濱花園。野餐X 放電 X 遊玩 好去處

 

延伸閱讀:

 

九龍|野餐第二站:啟德跑道公園

啟德跑道公園,位於前啟德機場跑道嘅末端,係舊時服務大家嘅跑道,如今搖身一變成為野餐好去處。公園設有多項靜態設施,包括大草地、觀景平台、水景花園及噴泉廣場等。呢度擁有世界級嘅維港全海景,可仰望遠處嘅獅子山、飛鵝山及鯉魚門等,仲有一個兩面臨海的大草地。呢個公園都係一個寵物公園,可以帶埋狗狗過來,市民帶埋毛孩、小朋友係到野餐郊遊,十分寫意休閒。

圖片來源:HK01

野餐評級:啟德跑道公園

地點:啟德(顯示地圖

交通:九龍灣站A出口,到德福廣場二期地下巴士總站,乘搭綠色專線小巴86號

補給站:附近無其他商場或商鋪,可在德福廣場提早買所需用品

公園配套:洗手間

多元玩樂:★★★☆☆

環境:★★★★★

方便度:★★☆☆☆

詳細介紹:啟德跑道公園

 

九龍|野餐第三站:佐敦谷公園

佐敦谷公園位於觀塘新清水灣道71號,佔地約6.3公頃,係觀塘區最大嘅公園,為市民提供多元化的動態和靜態康樂設施。園內有遼闊嘅中央草坪,綠油油嘅草地好適合席地而坐,因此成為居民嘅野餐嘅好去處,亦係一個放風箏嘅好地方。同時呢度仲有其他設施:溫室、四季花園、緩跑徑、兒童遊樂場,而最具特色嘅設施,就係具國際水平嘅遙控模型賽車場,適合舉行模型車大型賽事。

圖片來源:ULifestyle

 

野餐評級:佐敦谷公園

地點:九龍觀塘新清水灣道71號號(顯示地圖)

交通:港鐵彩虹站乘小巴54S或巴士29M,在順利紀律部隊宿舍步行約 5 分鐘

補給站:可以去淘大花園,有超市、餐廳、洗手間

公園配套:暢通易達洗手間

多元玩樂:★★★★☆

環境:★★★★☆

方便度:★★★★★

 

九龍|野餐第四站:西九文化區 - 藝術公園 +苗圃公園

西九文化區坐落維港海旁,係全球規模最大嘅文化項目之一,集藝術、教育及公共空間於一身。

而西九文化區內有兩塊草地——藝術公園以及苗圃公園,公眾可以在綠草如茵嘅環境下野餐聚會,同毛孩放電,或者輕鬆寫意地係公園散步,或踩單車漫遊海濱長廊。行係風景如畫嘅海濱長廊,遊人可以飽覽維多利亞港景緻,仲係拍攝日落嘅好地方。(點擊查看:西九文化區地圖

 

圖片來源:GetReady

 

野餐評級:西九文化區 

地點:九龍西九文化區博物館道18號(顯示地圖

交通:於九龍站下車,從E4或E5出口出

補給站:園區有餐廳、洗手間

公園配套:輕食店、餐廳、洗手間

多元玩樂:★★★★★

環境:★★★★★

方便度:★★★★★

詳細介紹:西九文化區

 

九龍|野餐第五站:零碳天地

零碳天地位於九龍灣工廈群中,係香港首座零碳建築,佔地14,700平方米。園內採用天然採光及通風設計,超過五成為綠化面積,園中嘅大草地植有二百多棵原生樹木,及透過光伏板及生物柴油生產可再生能源,達致零碳排放。園內有咖啡店,提供有機天然食物及咖啡,而對面就係MegaBox,想補給食物都好方便。

 

野餐評級:零碳天地

地點:九龍灣常悅道8號(顯示地圖

交通:九龍灣德福廣場轉乘穿梭巴士或步行10分鐘前往Mega Box

補給站:對面的Megabox有餐廳、超市、洗手間

公園配套:輕食店、暢通易達洗手間

多元玩樂:★★★☆☆

環境:★★★★☆

方便度:★★★★★

詳細介紹:【鬧市野餐樂】九龍灣零碳天地。零碳草地

 

九龍|野餐第六站:南昌公園

位於深水埗區嘅南昌公園於1998年7月啟用,佔地約3.83公頃,園內設有面積達2萬平方米嘅超級大草地,係野餐嘅好去處。園內設有兒童遊樂設施及長者健體設施,仲可以帶小朋友係到放電。南昌公園一直都是賞花熱點,當中以黃花風鈴木為人知名,就算不是花期,呢度嘅大草坪係香港嘅公園中都屬數一數二。

圖片來源:dchome

 

圖片來源:家園

野餐評級:南昌公園

地點:深水埗深旺道 20 號(顯示地圖

交通:港鐵南昌站D1出口,步行約10分鐘

補給站:港灣豪庭或南昌邨商場

公園配套:洗手間

多元玩樂:★★★☆☆

環境:★★★★☆

方便度:★★★★☆

詳細介紹:【野餐好去處】2萬平方米靚草地任跑任跳

 

九龍|野餐第七站:梳士巴利花園

梳士巴利花園位於尖沙咀,定期舉辦視覺藝術、音樂表演及其他文化活動。海濱花園讓市民與遊客可欣賞維港景色,設施包括中央草坪供予大眾野餐、活動平台、海濱階梯、綠化外牆及噴泉。

值得一提嘅係花園嘅公廁,堪稱「最美公廁」,內部設計充滿懷舊感,以馬賽克形式將尖沙咀1950-60年代嘅面貌重現眼前。每一個廁格門背後都有一則圖像故事,紀錄香港茅廁不同時代嘅形態。

圖片來源:新世界集團

野餐評級:梳士巴利花園

地點:尖沙咀梳士巴利道(顯示地圖

交通:

  • 尖沙咀站出口 E/R
  • 尖東站出口 J/L6 

補給站:附近冇食肆

公園配套:洗手間

多元玩樂:★★★☆☆

環境:★★★★☆

方便度:★★★☆☆

 

九龍|野餐第八站:樂富配水庫休憩花園

樂富配水庫公園連結住九龍仔公園,雖然配套就唔及其他野餐地點齊全,不過勝就勝在人少安靜,可以坐係草地一邊野餐,一邊觀賞獅子山。配水庫上一片青草,並遙望著獅子山,可以話係一個唔錯嘅小景點。想黎到呢度需要行山,由聯合道入口計起,路程全長約一公里,步行時間大概二十分鐘左右。

圖片來源:香港山志

 

野餐評級:樂富配水庫休憩花園

地點:九龍樂富富安街(顯示地圖

交通:港鐵樂富站A出口,步行十分鐘至聯合道富安街,再往山上方向行十五至二十分鐘可達

補給站:冇

公園配套:冇,但可以去樂富公園的洗手間

多元玩樂:★★☆☆☆

環境:★★★☆☆

方便度:★★☆☆☆

詳細介紹:樂富配水庫 (愛情三岔路!?)

 

九龍|野餐第九站:九龍仔公園

九龍仔公園位於上面介紹嘅水庫公園隔離,位於九龍城延文禮士道,佔地11.66公頃。園內最具特色嘅設施,就係公園內嘅洋紫荊園。大家可以準備簡單嘅食物,係洋紫荊園嘅草地上,席地而坐野餐。九龍仔公園嘅洋紫荊園種有約120棵洋紫荊樹,每至花期,滿園奼紫嫣紅,景致醉人,吸引不少愛花人前來欣賞。

野餐評級:九龍仔公園

地點:九龍城延文禮士道(顯示地圖

交通:公園離港鐵站頗遠,建議乘坐九巴前往,1、75X、85、85A、85B、113號巴士會經過附近

補給站:冇,需提早準備食物

公園配套:洗手間

多元玩樂:★★★☆☆

環境:★★★★☆

方便度:★★☆☆☆

詳細介紹:隱世小花園 九龍仔公園

 

九龍|野餐第十站:油麻地配水庫公園

呢個水庫公園係山頂,同時都可以見到天文台嘅京士柏氣象站。油麻地配水庫公園位於油麻地鬧市,但由於位置獨特,要經過行山一段路先可到達,到達左之後會見到一個好廣闊嘅大草地。呢個野餐地點人流少,非常寧靜,想要避開人潮,同屋企人朋友一齊開開心心野餐,呢度最適合你。

圖片來源:Ulifestyle

圖片來源:電影服務統籌科

野餐評級:油麻地配水庫公園

地點:九龍油麻地京士柏道(顯示地圖

交通:港鐵油麻地站D出口,消防局側樓梯上

補給站:沒有,需要提早準備食物

公園配套:沒有廁所

多元玩樂:★★☆☆☆

環境:★★★☆☆

方便度:★★☆☆☆

詳細介紹:油麻地配水庫休憩花園.真正的隱世花園

 

(九龍|草地第十一站:香港嘉里酒店)

小編將呢個第十站用括號括住,原因係呢度有草地,可以入去散步休息,但唔准許野餐。

於紅磡碼頭旁嘅香港嘉里酒店內有兩層共約萬呎嘅公共空間:一樓庭園嘅草地及餐桌位置開放給公眾使用,二樓有多一塊草地同屬公共空間。不過雖然話係公共空間,但酒店設下多項限制,例如:不准野餐、不准自攜食物等等。不過經過嘅話,不妨都入去參觀下,可以睇到維港180度大海景!



香港嘉里酒店 - 公共空間

地點:紅磡紅鸞道38號(顯示地圖

備註:不准野餐

詳細介紹:180度維港海景!紅磡隱世萬呎公共空間! 民間組織力尋公共免費好去處

 

 

(九龍|草地第十二站:尖沙咀海港城 - 海運觀點)

小編都係括號處理呢個場地,因為呢度免費開放比市民係草地上休閒漫步,可一覽270度維港美景,但唔允許野餐。

尖沙嘴海港城海運大廈新擴建大樓頂層嘅觀景台「海運觀點」,香港又多左一個場地睇維港景色,特別是日落、煙花和夜景,好正嘅地方!雖然唔可以帶食物入去野餐,但同閨蜜朋友係草地度吹水睇景都特別舒服!

圖片來源:hk01

尖沙咀海港城 - 海運觀點

地點:香港九龍尖沙咀廣東道3-27號(顯示地圖

備註:不准野餐

詳細介紹:海運觀點.絕佳維港日落夜景拍攝地

 

睇完呢21個野餐好去處後,你有心水之選未呢?

如果想去其他郊外行下,享受大自然之美,都可以睇下其他相關文章:

1. 【鹿頸谷埔】0難度行山攻略|山水如畫、客家老圍、蘆葦花田

2. 【鶴咀】天涯海角最齊全指南|交通、景觀打卡、路線推介

3. 【半月灣】海灣美如其名,水質清澈如鏡,仿如進入異國渡假沙灘

 

拍拖心願清單 + 靈感搜尋器

記低你地想一同達成嘅心願,需要靈感仲可以用我地嘅靈感製造機,自動推介吃喝玩樂去處同優惠,行山路線,最新電影等等並推薦給你

ReUbird 社交工具已經有 3000+ 用戶使用,快啲黎試下啦!

關鍵詞:
香港 【香港野餐】最齊20個靚景草地 逐一點評|鬧市中心、隱世秘境、無敵海景  香港   香港   香港