【寵物酒店精選】香港12間寵物友善酒店推介 | 與毛孩一同staycation，共享天倫之樂

近年，香港staycation嘅熱潮吸引咗一眾鍾意打卡嘅女性，甚至唔少人會同朋友一齊Staycation慶祝生日。

咁嘅樂事又點少得貪玩嘅毛孩呢？想帶埋佢哋去放假，但係又唔知去邊間酒店好？以下 ReUbird 小編會爲大家介紹 12 間寵物酒店，等毛孩都可以petcation！

 

文章一共有以下部份：

1. W酒店 - W Hong Kong

2. 香港美利酒店 - The Murray

3. 雅格酒店 - The Arca

4. 香港維港凱悅尚萃酒店 - Hyatt

5. 瑰麗酒店 - Rosewood Hong Kong

6. 香港數碼港艾美酒店 - Le Méridien Hong Kong, Cyberport

7. 香港文華東方酒店 - Mandarin Oriental

8. 朗廷酒店 - The Langham Hong Kong

9. 香港逸東酒店 - Eaton HK

10. 香港赤柱東方酒店 - Stanley Oriental Hotel

11. 帝都酒店 - Royal Park Hotel

12.帝逸酒店 - Alva Hotel By Royal

 

點擊連結一次睇晒所有心水寵物酒店優惠！

 

1. W酒店 - W Hong Kong

（按此連結預訂可享優惠）

W酒店係一間 Pets Are Welcome 嘅酒店，酒店希望寵物都可以喺 Staycation 中享受到樂趣。一樓就設有一間寵物專屬嘅房間，而每間房内廁所都設置咗貓砂、鏟子。

你可以與心愛嘅毛孩一齊入住偌大壯麗嘅海景房，幫毛孩同靚靚海景影相打卡，留下美好回憶！

除此之外，酒店亦設有專屬寵物嘅雞尾酒，同其他寵物小食，係咪好新奇呢？各位主子快啲帶埋同毛孩嚟玩啦！

（照片來源：W 酒店）

查詢房價：W酒店（按此連結預訂可享優惠）

地址：西九龍柯士甸道西1號天璽（地圖）

寵物入住政策：

• 入住套房：接受最多兩隻寵物，不過寵物只限愛犬或愛貓，且每隻體重不能多於15公斤
• 入住客房：只限攜帶1隻不多於15公斤或33磅的寵物，只限愛犬或愛貓

 

2. 香港美利酒店 - The Murray

（按此連結預訂可享優惠）

除咗寵物設施，對於想同毛孩一齊影相嘅主人嚟講，房間亦都好重要！酒店香港美利酒店精緻嘅客房同套房，都以時尚典雅風格為主題，打卡一流！相信喺咁靚嘅環境，一定會影到靚相，留下寶貴嘅回憶。

酒店歡迎寵物狗或寵物貓與客人一同入住及用餐，希望藉此能夠為主人同寵物建立及創造寶貴嘅回憶！由戶外用餐體驗到客房寵物設施，酒店都務求為寵物達到賓至如歸嘅感覺。

（照片來源：美利酒店）

查詢房價：香港美利酒店 - The Murray（按此連結預訂可享優惠）

地址：中環紅棉路22號（地圖）

寵物政策：香港美利酒店 - 寵物規則

 

3. 雅格酒店 - The Arca

（按此連結預訂可享優惠）

雅格酒店坐落於港島南區嘅中心地帶。以溫馨及舒適為主要設計，格調富有藝術氣息。

酒店安排咗各種完善設施、餐單及服務，當中嘅狗狗美食餐單仲係由烹飪團隊中每一位愛狗成員精心炮製，確保毛孩喺酒店住宿或用餐時享受到Pawfect嘅體驗～

酒店仲設有狗狗友善餐廳Arca Society，你可以帶同毛孩一同用餐。

位於最高層嘅Sky Bar旁邊喺一個infinity pool，可以俯瞰香港仔灣嘅壯麗美景及南區嘅怡人景致！

（照片來源：雅格酒店）

查詢淨房價：雅格酒店 - The Arca（按此連結預訂可享優惠）

查詢staycation套票：雅格酒店 - 住宿優惠（按此連結預訂可享優惠）

地址：黃竹坑香葉道43號（地圖）

寵物政策：詳情請點擊 雅格酒店寵物政策

 

4. 香港維港凱悅尚萃酒店 - Hyatt

（按此連結預訂可享優惠）

酒店屹立於港島中心，坐擁北角海濱醉人景致。主人可以同毛孩去專爲狗狗而設嘅戶外草地放電，盡情享用酒店內各種狗狗專屬嘅設施！

酒店周邊仲有各種地道人氣美食同打卡熱點，快啲趁住假期同毛孩一齊去staycation，享受悠閒時光啦！

查詢房價：香港維港凱悅尚萃酒店（按此連結預訂可享優惠）

地址：北角北角邨里1號（地圖）

寵物入住條件：

• 體重不超過30kg（導盲犬除外）
• 需使用寵物專屬電梯
• 不許進入酒店東座23樓、西座23樓空中餐廳及酒吧
• 不許進入The Farmhouse餐廳室內區域、Deli餅店及西座22樓維港軒
• 不允許攜帶其他寵物

 

延伸閲讀：

• 【長洲Staycation】切勿錯過！2024精選長洲各類型酒店住宿渡假超詳盡推介｜人氣美景打卡位｜寵物友善酒店｜訂房小貼士

 

5. 瑰麗酒店 - Rosewood Hong Kong

（按此連結預訂可享優惠）

酒店坐擁維多利亞港景緻，可以同心愛嘅毛孩一同飽覽璀璨奪目嘅維港夜色！

值得一提嘅係，酒店會特別為毛孩們精心準備豪華小床、專屬餐具以及迎賓小吃，而且仲會提供由酒店烹飪團隊特別策劃嘅寵物菜單，十分周到！

查詢房價：香港瑰麗酒店 （按此連結預訂可享優惠）

地址：香港九龍尖沙咀梳士巴利道18號Victoria Dockside24樓至40樓（地圖）

寵物入住條件：

• 所有房型都允許攜帶寵物一同入住，不過就需要額外繳付$330
• 15kg以下寵物貓狗可免費入住
• 寵物離開房間時需隨時繫繩
• 應妥善清理寵物的排泄物，並注意寵物聲量
• 寵物不得進入酒店餐廳、水療中心、游泳池及健身設施

 

6. 香港數碼港艾美酒店 - Le Méridien Hong Kong, Cyberport

（按此連結預訂可享優惠）

香港數碼港艾美酒店係一間五星級寵物友善酒店，酒店於近年全面翻新後，打造出完善嘅寵物友善環境！

除咗可以同毛孩一齊入住無敵海景房，你仲可以帶毛孩到鄰近嘅戶外草地平台及數碼港海濱公園放電～

同時，酒店內兩間餐廳嘅露天平台亦會供應寵物專屬餐單，喺主人用餐嘅時候，毛孩都可以一齊歎美食，共同體驗staycation嘅樂趣！

查詢房價：香港數碼港艾美酒店（按此連結預訂可享優惠）

地址：薄扶林數碼港道 100 號（地圖）

寵物入住條件：

• 每隻寵物每晚需繳付 HKD650

 

7. 香港文華東方酒店 - Mandarin Oriental

（按此連結預訂可享優惠）

歷史悠久嘅五星級文華東方酒店享譽盛名，充滿典雅格調嘅酒店裝潢別具氣派。酒店係一間寵物友善酒店，只需預先申請，就可以帶埋心愛嘅毛孩一齊入住～

酒店嘅房同套房都非常寬敞，你可以同心愛嘅毛孩一齊盡覽維多利亞港壯麗景觀，享受極致豪華嘅staycation！

查詢房價：香港文華東方酒店（按此連結預訂可享優惠）

地址：中環干諾道 5 號（地圖）

寵物入住條件：

• 需要預先申請
• 只限體重不重於4.5kg嘅狗狗
• 必須訂L600或較高等級嘅套房先可以帶寵物一齊入住
• 每次入住另外收取 HK$1,000 清潔費
• 最多可連續入住三晚

 

8. 朗廷酒店 - The Langham Hong Kong

（按此連結預訂可享優惠）

酒店格調典雅，散發歐洲豪華酒店嘅氣派。身處酒店内，可以將尖沙咀嘅繁華景緻一覽無遺，彷彿鬧市中嘅世外桃源。

（照片來源：PET-A-HOOD）

而酒店位於尖沙咀嘅購物熱點，集餐飲、購物和娛樂於四周，十分方便。步行到維多利亞港只需兩分鐘，可以同寵物一齊去散步！

查詢房價：香港朗廷酒店（按此連結預訂可享優惠）

地址：尖沙咀北京道8號（地圖）

寵物入住條件：

• 寵物於酒店內所有公共範圍 （除房間外） 必需被主人抱起或放入寵物車、寵物袋或寵物箱內
• 房務員只會當寵物唔喺房間、繫上寵物帶、於寵物車或寵物袋內時進入客房
• 喺任何情況下，寵物主人須為寵物負責。寵物於入住期間必須時刻被寵物主人看管
• 寵物主人亦需確保寵物唔會對其他客人造成騷擾
• 所有餐廳、朗廷會、「川」身＋（包括泳池甲板、游泳池及健身中心）及宴會廳均不允許寵物進入
• 如寵物於入住期間造成任何損毀，酒店將收取最少港幣$2,500元費用 
• 客人入住時須簽署寵物入住協議

 

除咗寵物酒店，ReUbird仲有更多酒店 Staycation 推介，有興趣可以睇睇喔～

1. 【酒店Staycation推介】嚴選12大特色海景酒店+住宿優惠套票
2. 【生日Staycation】14間慶生必去生日酒店推介：海景打卡+住宿優惠！
3. 【情侶staycation】15間特色浪漫+海景酒店推介！
4. 【親子staycation】11間熱門親子酒店優惠推介：兒童主題房+住宿套票！

 

9. 香港逸東酒店 - Eaton HK

（按此連結預訂可享優惠）

位於佐敦嘅香港逸東酒店同樣係一間寵物友善酒店，酒店設有唔同房間，適合任何大小嘅貓貓同狗狗入住～

值得一提嘅係，逸東酒店嘅寵物入住費用每晚只需$200左右，同其他酒店比相對抵住！

另外，酒店亦會不試推出各項寵物住宿優惠，包括供應寵物睡床、飲水碗、狗狗尿墊、玩具零食等配套服務。

查詢房價：香港逸東酒店（按此連結預訂可享優惠）

地址：佐敦彌敦道 380 號（地圖）

寵物入住條件：

• 每隻寵物每晚需繳付 HKD220

 

10. 香港赤柱東方酒店 - Stanley Oriental Hotel

（按此連結預訂可享優惠）

好多人都會趁住放假帶毛孩去赤柱放下電，唔單止可以俾毛孩喺海灘玩下，赤柱廣場同大部份餐廳都係寵物友善，相當便利。

而香港赤柱東方酒店亦係一間竉物友善酒店，除咗帶毛孩放電，仲可以同佢哋一齊歎露台套房staycation！

露台唔單止有屋頂按摩浴缸，仲可以癱喺沙灘椅上飽覽大片海景，同毛孩一齊體驗美好寫意嘅假期～

查詢房價：香港赤柱東方酒店（按此連結預訂可享優惠）

地址：2/F-9/F, 90B Stanley Main Street, 赤柱, 香港（地圖）

 

11. 帝都酒店 - Royal Park Hotel

（按此連結預訂可享優惠）

位於沙田嘅帝都酒店有「寵物同樂」住宿計劃，提供專享客房寵物設施，包括舒適寵物床、餐盤及水盤、寵物如廁用品等。

除咗酒店內嘅設施，主人都可以帶毛孩到附近新城市廣場嘅「寵物同樂園」一齊野餐，共享天倫之樂！

（照片來源：帝都酒店）

地址：沙田白鶴汀街8號（地圖）

寵物政策：

• 寵物於公眾地方必須以頸繩牽引或放置於袋或籠內
• 酒店餐廳、健身室及游泳池恕不能招待寵物（導盲犬不受此限）
• 酒店將提供特定樓層予客人及寵物入住
• 客人請勿將寵物單獨留於客房內
• 客人請勿於客房內為寵物洗澡
• 詳情請點擊 帝都酒店 - 寵物政策

查詢房價：帝都酒店（按此連結預訂可享優惠）

 

12. 帝逸酒店 - Alva Hotel By Royal

（按此連結預訂可享優惠）

帝逸酒店歡迎你同心愛嘅毛孩光臨！寵物狗狗可以進出酒店地下大堂、PITSTOP之戶外空間以及 3樓嘅 Terrace露天花園。而且酒店附近就係沙田城門河同公園，你可以隨時帶狗狗落去散步放電～

酒店提供「親親毛孩住宿優惠」，每間房可以住2位成人同1隻已完全接種疫苗嘅寵物犬。

優惠包括雙人自助晚餐或下午茶以及毛孩餐點，仲有多項禮遇如毛孩迎賓禮物、刺繡毛孩浴巾、免費享用迷你酒吧飲品、免費借用酒店提供之單車探索鄰近景點及單車徑等，讓你同毛孩可以共度美好假期！

查詢房價：帝逸酒店（按此連結預訂可享優惠）

地址：源康街 1 號（地圖）

寵物政策：

• 住宿優惠計劃可供2位成人及1隻已完全接種疫苗的寵物犬入住（少於30公斤）。第二隻寵物犬需另收費，每房最多供兩隻寵物犬入住
• 寵物犬可由酒店地下大堂出入酒店、並使用PitStop之戶外空間，3樓的The Terrace露天花園同客房
• 酒店其他地方恕不能招待犬隻
• 顧客須對其寵物犬於住宿期間造成的任何損壞或噪音負責（如有任何損壞，酒店將收取有關費用）
• 顧客請勿將寵物單獨留於客房內，請於任何時候在公眾地方為寵物繫上頸繩或放置於籠內
• 顧客請勿在客房內為寵物洗澡
• 詳情請點擊 親親毛孩住宿優惠、親親毛孩長期住宿計劃

 

睇咗咁多間寵物酒店，有冇間啱你心水呢？如果想搵更多staycation酒店優惠，可以點擊連結探索更多！

如果想知更多其他玩樂資訊，亦都可以去 ReUbird  度睇下啊~

延伸閱讀：

1. 【大坑好去處】精選大坑地道美食、簡約特色Cafe、文青打卡點推薦
2. 【假日好去處】10個週末渡假必去方案，展開假日之旅
3. 【西貢好去處】最齊全西貢美食、打卡、郊遊攻略! 拍拖親子玩樂一應俱全
4. 【尖沙咀好去處】尖沙咀必去文青小店、工作坊、娛樂、打卡聖地