美國大峽谷，係世界七大奇景，唔少人都好想親自去一睹峽谷嘅風采，但無奈未有機會親臨觀賞；所以你一定唔可以錯過呢個香港大峽谷——菠蘿山！
| 菠蘿山資訊 | 詳細路線 | 菠蘿山Q&A |
菠蘿山，或良田坳峽谷，有港版大峽谷之稱，係近年來唔少港人喜愛嘅行山勝地！菠蘿山部分路段為軍事重地，內文會詳細講解路線。
菠蘿山資訊
位置：屯門山景邨及良景邨之間
去程交通：乘搭地鐵到兆康，轉乘輕鐵615P 或 505，於良景站落車。
行山路線：良田坳 ＞ 良田坳峽谷 ＞ 下白泥
回程交通：於下白泥村乘搭33號小巴，往天水圍西鐵站。
全長：約5.5公里
難易度：★★★☆☆
詳細路線
落車後穿過良景邨，步行約十分鐘，進入寬闊石屎路，就到達菠蘿山入口處。從良景邨菠蘿山入口起程登山，經過小涼亭，不久後進入山路。
相片來源：GetReady
相片來源：好地方HK
踏上山頂，可以遠望到深圳灣之貌。
繼續沿水泥路走，當你見到大大塊指示牌寫住「此路危險，不得擅進」，就代表鼎鼎大名嘅菠蘿山大峽谷即將呈現眼前。
相片來源：Squarefoot.com
大峽谷之壯麗浩瀚，令人不禁慨嘆人類之渺小。
相片來源：眾新聞
峽谷四周嘅岩石經歷長年累月風化而成，怪石嶙峋，一塊塊都係大自然嘅鬼斧神功。
相片來源：Getready
對地質有興趣嘅人更唔可以錯過呢個自然地質極為獨特嘅峽谷。
相片來源：FolloMe
唔少人會流連至日落時分，觀賞夕陽落於峽谷之中，於餘暉既照耀下漫步峽谷之間。
相片來源：Getready
你亦可以選擇唔逗留於峽谷，而沿路落山到下白泥泥灘，亦係另一個欣賞絕美夕陽之地。
相片來源：Cannon
下白泥泥灘係菠蘿山行山路線嘅尾段，繼續往下白泥方向直走，就可以搭小巴離開，結束今次菠蘿山之旅。
相片來源：香港巴士大典
菠蘿山Q&A
唔少人都對菠蘿山都有啲疑問，小編在此為大家解答一下！
Q：菠蘿山係咪封左山？會唔會好危險？
A：菠蘿山於2017年變為禁區，作解放軍練靶之用；雖然山腳有，但大閘並無關閉，幾年來仍然有不少人到菠蘿山行山，因此大家去之前要小心判斷要唔要踏入呢片「軍事重地」。另外見到有軍事重地呢類嘅警告牌，就唔好擅自闖入去果個區域，同埋check清楚幾時解放軍先唔會係度練靶，咁就比較有保障啦！
Q：菠蘿山係解放軍管轄？
A：無錯，菠蘿山一帶喺開埠時已經係英軍嘅練靶場，回歸後給予解放軍，聽聞不時仲會聽到槍聲傳出，因此行山時宜小心為上。
Q：菠蘿山並唔係真正既菠蘿山？
A：小編喺本文介紹既係行山勝地，原名為良田坳峽谷，只係大家近年以菠蘿山去取代左佢既原名；真正既菠蘿山其實係峽谷附近既小山，喺我地推薦既菠蘿山行山路線係唔會經過。
仲有好多關於菠蘿山嘅資訊，立即去片！
相關文章：
【情侶拍拖活動】下白泥睇香港日落郊遊，玩埋透明波子營，抬頭望星星！