天氣咁熱，想做運動但又諗唔到去邊度玩好？想玩水上活動但又唔識游水？等 ReUbird 為大家推介6個獨木舟熱點，令你可以喺炎炎夏天下樂在其中🎈
小編溫馨提示：如果係從來冇玩過獨木舟嘅話，記得要做足資料搜集先去，或者搵有經驗嘅人陪同，咁就玩得安心又開心！
小編將會為你介紹以下6個獨木舟熱點：
📍第一站：吊鐘洲
(🐒約2小時單程，適合較有經驗者)
吊鐘洲位於西貢滘西洲以南嘅一個島嶼，當中最大嘅特色係由海水長年侵蝕而成嘅吊鐘洞，形狀似寺廟嘅大鐘。
「吊鐘岩」位於金魚尾巴之中，中間形成一條水路令獨木舟可穿越而過，水質清澈如琉璃，途中隨意亂拍都能成為打卡照片，好有特色！
基本資料
路線：
- 西貢碼頭→吊鐘洲→登島後沙灘右邊有一條小路（有絲帶為準）→約40分鐘路程→到達「金魚擺尾」
綿羊仔水上俱樂部
價錢：全日租用單人獨木舟 150 港元起、雙人獨木舟 250
地址：西貢相思灣村 38 號（曉波徑）
交通：
- 方法 1️⃣：乘搭巴士 91 (鑽石山廣場/彩虹) 及 最新 91S (將軍澳，只在暑假服務)到達相思灣村口，下車需步行10分鐘
- 方法 2️⃣：小巴 103 (觀塘) ， 103M (將軍澳站) 及 16 (寶林)到達相思灣村口，下車後步行10分鐘
- 方法 3️⃣：於坑口地鐵站旁巴士總站乘綠色的士直達 (約$60-80)
預訂電話：6109 4445
營業時間：9am - 6pm
📸獨木舟熱點推介 Vlog
📍第二站：綠蛋島
（🐒約45分鍾單程）
綠蛋島，原名爛排，位於清水灣半島東面海濱。小島外貌像一隻綠色蛋黃的荷包蛋，因而得名。有獨特嘅外形，加上四周清澈見底的「玻璃水」，好似入咗世外桃源咁。
小島上有個小沙灘，水清沙幼而且水淺，玩完之後可以到呢度休息，享受夏日嘅樂趣。呢度好近吊鐘洲，可以順便划木舟過去！
基本資料
路線：西貢相思灣 -> 綠蛋島
租借獨木舟資訊：如上
📍第三站：橋咀島
（🐒來回大約4小時）
橋咀島為世界地質公園景點之一，水質清澈見底，可以看到不少珊瑚及魚，因此亦是熱門的西貢獨木舟路線。碰上潮退，仲可以見到連接小島橋頭和橋咀洲的沙洲，是非常少見的自然景觀！
基本資料
路線：西貢碼頭> 羊洲 > 枕頭洲 > 白沙洲 >橋咀島
租借獨木舟資訊：
價錢（單人）：$100起（星期一至五） ；$150起（星期六、日及公眾假期）
地址：西貢沙下亞郭水上活動中心（9：00-17：00）
電話：5702 8636
📸獨木舟熱點推介 Vlog
📍第四站：海下灣海岸公園
海下灣海岸公園係一個位於香港新界西貢半島海下灣的海岸公園，水質優良，啲水清澈到可以近距離看看海參、海膽、海星等海洋生物，景色美不勝收，有種同天地萬物相融一體嘅感覺😆
圖片來源：Glide
基本資料
路線：海下>串螺角咀>銀洲>蜆排>磨洲>三抱石>串螺角咀>海下
租借獨木舟資訊：
海下雲海(發記)士多
價錢：$100-$200
電話：55088183
營業時間：9：30am - 5：00pm
Facebook：按此
交通資訊：
- 於西貢碼頭乘搭7號小巴，直達海下灣總站，車程大概半小時。
- 沿路牌指示走幾分鐘：直行 > 轉左 > 進入小灘 （雲海發記士多）
📸獨木舟熱點推介 Vlog
📍第五站：鹽田梓
（🐒約1小時單程）
鹽田梓又名「鹽田仔」，獨木舟路線最吸引嘅地方就係旁邊嘅紅樹林。潮漲時，獨木舟可以穿過紅樹林，近距離欣賞西貢自然的海洋生態，睇到嘅風景真係畢生難忘！
基本資料
路線：西貢碼頭>鹽田梓
西貢沙下獨木舟租借資訊：
價錢（單人）：$100起（星期一至五） ；$150起（星期六、日及公眾假期）
地址：西貢沙下亞郭水上活動中心（9:00-17:00）
電話：57028636
📍第六站：大埔汀三角
（🐒約2小時單程）
其實大埔除咗可以踩單車之外仲可以玩獨木舟，一邊划獨木舟，一邊穿梭於紅樹林之間，青山綠水盡收眼底，令人心曠神怡！大人打卡影相，小朋友探索自然生態，一同感受大自然氣息~
小編提提你⚠：大埔汀三角海水較淺，大家記得玩要玩得盡興之餘，亦都要愛惜環境，唔好留低垃圾同觸碰海底生物啊！
基本資料
交通：由港鐵大埔墟站B出口，乘坐20C小巴，並於盧慈田站落車。
路線：大埔三門仔 > 馬屎洲地質公園 > 紅樹林 > 隱秘石灘-白沙頭石灘 > 大尾督龍尾灘 > 遠眺慈山寺觀音
大埔三門仔獨木舟租借資訊：
- 價錢（單人）：$200（星期一至五） ；$250（星期六、日及公眾假期）
- 地址：大埔三門仔嵐沙水上活動中心（10:00-17:00）
- WhatsApp 預約電話：94513022
📸獨木舟熱點推介 Vlog
注意事項👻
- 預留足夠時間回程，同埋留意海面情況
- 登島上岸時記得要把獨木舟搬上岸，或綁緊於一定位置。不少人登島遊玩後都試過出現獨木舟比海浪沖走的情況
- 衣著問題：夏天太陽通常都好猛烈，所以記得要帶防曬用品，最好就係帶鴨舌帽，着長袖上衣，同埋着包腳鞋、工用手套，避免被石頭刮傷
- 記得準備專用防水袋，避免手機進水
睇完小編嘅文章同埋靚相之後，係咪心郁郁想去玩呢？雖然夏天炎熱，但係見到咁美好嘅景色之後，就會發現一切都係值得😙如果想發掘更多假期好去處，歡迎到 ReUbird 度睇吓！
延伸閱讀：
蛋糕分類：觀塘蛋糕｜尖沙咀蛋糕｜荃灣蛋糕｜銅鑼灣蛋糕｜旺角蛋糕｜元朗蛋糕｜沙田蛋糕｜屯門蛋糕｜荔枝角蛋糕｜中環蛋糕｜灣仔蛋糕｜葵芳蛋糕｜九龍灣蛋糕｜北角蛋糕｜將軍澳蛋糕｜佐敦蛋糕｜上環蛋糕｜長沙灣蛋糕｜太古蛋糕｜